Posted: 03/26/2013 12:27 PM IST

మెగా పవర్ స్టార్ రామ్ చరణ్ ‘ఎవడు’ ‘జంజీర్’ అనే సినిమాలు విడుదలకు సిద్దంగా ఉన్న విషయం తెలిసిందే.  టాలీవుడ్  నుండి బాలీవుడ్ లో అడుగుపెట్టి ‘మగధీరుడు’ నిలిచాడు. హిందీలో  జంజీర్ సినిమా షూటింగ్ పూర్తి చేసుకున్న విషయం తెలిసిందే. అయితే  అదే సినిమాను  తెలుగులో  ‘తుపాన్’ పేరు విడుదల చేయటానికి రామ్ చరణ్ సిద్దమయ్యాడు.  తుపాన్ ట్రైలర్ ను విడుదల చేయటం జరిగింది. ఈ సమయంలో రామ్ చరణ్ తన మనసులోని మాటలను బయట పెట్టారు.   సినిమాల్లోకి వచ్చిన తరువాత నాపై నాకు విశ్వాసం మరింత పెరిగిందని రామ్ చరణ్ చెబుతున్నారు.  మొండితనం అనేది చిన్నప్పుడు ఉంది, ఇప్పుడు ఉంది.  ఇక నటుడిగా అంటారా .. సినిమాకీ  సినిమాకీ ఎంతో కొంత మార్పు కనిపిస్తోంది. నాన్నగారు ఎప్పుడు  ఆయన అభిప్రాయాలు  నా పై రుద్దలేదు.  ఎవరికి వాళ్లు  తయారవ్వాలి.. అనేది ఆయన అభిప్రాయం . నేను కూడా అదే దారిలో  వెళ్తున్నా..  నాకు నేనుగా నేర్చుకొంటున్నా.. ఇది నిరంతం ప్రక్రియ అని రామ్ చరణ్ చెప్పటం జరిగింది.  నాయక్    నా కేరిర్ లో ఓ ప్రత్యేక చిత్రం.  తొలిసారి ద్విపాత్రాభినయం  చేశా.  వినాయక్ పై నేను  పెట్టుకొన్న నమ్మకం.. నాయక్  నేను ఆయన్ని  ఎంత నమ్మానో, నన్ను ఆయన అంతే నమ్మారు.  మా నమ్మకాలు  నిజమయ్యాయి.  తొలిసారి  ఈ సినిమాలో  నేను కూడా కామెడీ చేయటం జరిగింది. 

ఆ కామెడీ సన్నివేశాలు నాకు, నా భార్యకు బాగా నచ్చాయని  రామ్ చరణ్ చెప్పినట్లు సమాచారం.  ‘ఎవడు’ పక్కా కమర్షియల్  సినిమా..  అయితే కొత్త పంథాలో ఉంటుంది.  ఓ పాట .. ఓ ఫైటు  అనే సూత్రం  ప్రకారం సాగదు. సినిమా  ఎత్తుగడే... చాలా విభిన్నంగా  ఉంటుంది.  ఇక ధ్రిల్లర్  .. ఇక తుపాన్  ..నేపథ్యమే వేరు.. అది సంపూర్ణ  విందు భోజనంలా  ఉంటుంది.  అసలు  ‘జంజీర్’  చేయాలనే  ఆలోచన నాకు లేదు.  ఎందుకంటే  తెలుగులో నా సినిమాలతో నేను బిజీగా ఉన్నా.  మరోవైపు  జంజీర్  సినిమా  అంటే  అంచనాలు ఎక్కువగా ఉంటాయి.  అందుకే .. నేను నో చెప్పా. కానీ  డాడీ మాత్రం ఓ మాట అన్నారు. ‘కథ నీకు నచ్చకపోతే  వదిలేయ్.. భయపడి మాత్రం సినిమా చేయడం మానొద్దు’ అన్నారు.  కథ పరంగా ‘జంజీర్’ బాగా నచ్చింది.  అయితే  ఈ సినిమాలో  అమితాబ్ ని నేను అనుకరించలేదు. నా శైలిలో  చేసుకొంటూ వెళ్లా.. ఇదో మేటి సినిమాకి రీమేక్ అనే  ఆలోచన  కూడా మదిలో  రానివ్వకుండా  జాగ్రత్త పడ్డానని రామ్ చరణ్ చెబుతున్నాడు.   అయితే  ఈ సినిమాల బిజీ వలన నా భార్యకు కొంచెం కష్టంగా మారింది. కొత్తగా పెళ్లైన మాట పక్కన పెడితే.. నా భార్య ఉపాసన నాకు పూర్తి సహాకారం అందిస్తుంది. 

ఆమె కోసం మంచి బహుమతి ఇవ్వాలని  రామ్ చరణ్ అంటున్నారు.   నేను ఇంట్లో ఉండే అవకాశమే దక్కడం లేదు. ఇది వరకు  ..    కాస్త సమయం  చిక్కేది.. పెళ్లయ్యాక  షూటింగులతోనే  సరిపోతోంది.  నెలకు  మహా అయితే  నాలుగు రోజలే ఉంటున్నా.. (నవ్వుతూ) ఉపాసన గొడవ పెట్టేస్తోంది. నా పై  చాలా ఫిర్యాదు ఉన్నాయి.  అయితే అందుకోసం ఉపాసన కోసం ఒక ప్రేమకథలో నటించిన సినిమాను నా భార్య కు ఒక బహుమతిగా ఇస్తానని రామ్ చరణ్ చెబుతున్నారు.  ఉపాసనకు  ప్రేమకథా చిత్రాలంటే  ఇష్టం.  యశ్ చోప్రా సినిమాలు  ఎక్కువగా చూస్తుందని రామ్ చరణ్ చెబుతున్నారు.  అసలు యాక్షన్  సినిమాల జోలికి వెళ్లేది కాదు. పెళ్లయ్యాక ..తన  అభిరుచిని మార్చుకొని .. తాను ఇప్పుడు  మాస్  సినిమాల్ని  చూస్తోందని  రామ్ చరణ్  నవ్వుతూ చెబుతున్నారు.   అంటే  రాబోయే రోజుల్లో  రామ్ చరణ్  తన భార్య కోసం ఒక ప్రేమకథ సినిమా చేస్తానని చెప్పటం పై  మెగా అభిమానులు ఆనందంగా ఉన్నారు.