Posted: 03/11/2013 04:20 PM IST

గత కొన్ని సంవత్సరాల నుండి కేన్సర్ తో బాధపడుతూ ఇటీవలే కన్నుమూసిన లాటిన్ ఎర్రసూర్యుడు, పద్నాలుగేళ్ళు వెనిజులా దేశాన్ని పాలించిన చావెజ్ మరణం పై ఇప్పుడు కొత్త అనుమానాలు వ్యక్తం అవుతున్నాయి. అయితే ఈయన మరణం విష ప్రయోగం వల్లే జరిగిందని బోలీవియా అధ్యక్షుడు ఇవో మారెల్స్ వ్యాఖ్యానించడంతో దీని పై చర్చ ఆసక్తికరంగా మారింది. చావెజ్ కు కేన్సర్ రావడానికి కొందరు విషయ ప్రయోగం చేశారని ఆయన అన్నారు. ఈయన అంత్యక్రియల్లో పాల్గొనడానికి వచ్చిన ఆయన మాట్లాడుతూ... చావెజ్ కేన్సర్ వ్యాధితో బాధపడుతున్న విషయం తనకు తెలుసునని, మరణానికి దీనికి ద ఎంపైర్(సార్వభౌముడు) కారణమని ఆయన వ్యాఖ్యానించారు. ఈయన మాటలకు మద్దతుగా ఆ దేశ ఉపాధ్యక్షుడు ప్రస్తుతం తా త్కాలిక అధ్యక్షుడిగా వ్యవహరిస్తున్న నికోలాస్ మదురో కూడా చావెజ్‌కు కేన్సర్ రావడానికి వెనిజువెలా దేశ శత్రువులే కారకులని  ఆరోపించారు.

దీనిపై ప్రత్యేక బృందంతో దర్యాప్తు జరిపిస్తామని ఆయన స్పష్టం చేశారు.  14 ఏళ్లపాటు అధ్యక్షుడిగా పనిచేసి ఇటీవలే మరణించిన చావెజ్ వారసుడిని ఎన్నుకోవడానికి రంగం సిద్ధమైంది. ఏప్రిల్ 14న ఈ మేరకు ఎన్నికలు నిర్వహిస్తామని ఆ దేశ ఎన్నికల కమిషన్ వెల్లడించింది. ఈయన వారసుడిగా మదురో ఎంపికయ్యే అవకాశాలు దండిగా ఉన్నాయి. మరి ఈయన మరణం పై నిజా నిజాలు తెలియాలంటే దర్యాప్తు నివేదిక రావాల్సిందే.