Posted: 02/28/2013 02:22 PM IST

 ఆరోగ్యాన్ని కూడా లెక్క చేయకుండా ప్రజల వద్దకు వెళ్లి కష్టపడుతున్నా. పార్టీ తిరిగి అధికారంలోకి వచ్చేందుకు అహర్నిశలు శ్రమిస్తున్నా.. అయినా మీలో మార్పు రాలేదు. ఎవరి తీరు వారిదిగా వ్యవహరిస్తున్నారు. ఇలాగైతే ఉపేక్షించేది లేదని తెలుగుదేశం పార్టీ అధినేత చంద్రబాబు నాయుడు ఆగ్రహం వ్యక్తం చేశారు. వస్తున్నా మీ కోసం పాదయాత్ర గుంటూరు జిల్లాలో ముగిసింది. ఈనెల 6వ తేదీన యాత్ర ప్రారంభమై 15 నియోజకవర్గాల్లోని గ్రామాల మీదుగా 164 కిలోమీటర్లు పాదయ్రాత పూర్తిచేశారు. గుంటూరు జిల్లాలోనే 2 వేల కిలోమీటర్ల మైలురాయి దాటిన చంద్రబాబు యాత్రలో ఒకింత అపశతి చోటుచేసుకున్నా విజయవంతంగానే ముగిసిందనిపించారు. కష్ణా-గుంటూరు జిల్లాల్లో బాబు పర్యటి స్తున్నా పట్టభద్రుల ఎమ్మెల్సీ ఎన్నికల్లో పార్టీ అభ్యర్థి చిగురుపాటి వరప్రసాద్‌ ఓటమిపాలు కావడం బాబుకు మనస్థాపాన్ని కలిగించినట్లు తెలిసింది.  అభ్యర్థి ఎంపికలో జరిగిన తప్పిదం వల్లే ఓటమి చవిచూడాల్సి వచ్చిందని ఆత్మపరిశీలన చేసుకు న్నట్లు చెబుతున్నారు.

కాగా కృష్ణా, నల్లగొండ జిల్లాల్లో డిసిసిబిలను చేతులారా జార విడిచారని పార్టీ శ్రేణుల పై బాబు మండిపడ్డారు. నల్లగొండ జిల్లాలో పార్టీ పరిస్థితి మరీ ఘోరంగా మారిందని టిఆర్‌ఎస్‌, వైఎస్సార్‌ కాంగ్రెస్‌లే ఉనికిని చాటు కుంటే టిడిపిని నిర్వీర్యం చేశారని ఆ జిల్లా నేతల పై ఆయన ఆగ్రహం వ్యక్తం చేశారు. పరిస్థితి ఇదేరకంగా కొనసాగితే క్రమశిక్షణా వేటు తప్పదని హెచ్చరికలు జారీ చేసినట్లు తెలిసింది. గ్రూపులు విడనాడకపోతే ఉపేక్షించేది లేదని, కష్టపడి పని చేసేవారికే ప్రాధాన్యత ఉంటుందని స్పష్టం చేశారు. గుంటూరు జిల్లా సమీక్షా జరుగుతుందనుకొని భావించినా అనివార్య కారణాల వల్ల జరగలేదు. పార్టీ పరిస్థితి జిల్లాలో కొంత మెరుగ్గానే ఉందని డిసిసిబి ఎన్నికల్లో విజయం సాధించాలని జిల్లా నాయకులకు ఆయన తగిన సూచనలిచ్చారు. గుంటూరు జిల్లాలో యాత్ర పూర్తయిన సందర్భంగా వరాల వర్షం కురిపించారు. పులిచింతల ప్రాజెక్టును పూర్తి చేసి కృష్ణాడెల్టా రైతాంగాన్ని ఆదుకుంటామని హామీనిచ్చారు.