Posted: 02/13/2013 10:39 AM IST

కేంద్ర మంత్రి, కేరళ డాక్టర్  అయిన  వయలార్  రవి ఈ సారి నోరుజారుడు.  తెలంగాణ  సమస్యకు  కేరళ వైద్యం చేయటానికి వచ్చిన వయలార్ రవి  ఒక మహిళ పై  నోరు పారేసుకున్నాడు.  సీనియర్ నాయకుడుగా గుర్తింపు తెచ్చుకున్న వయలార్ రవి  ఒక మహిళ  జర్నలిస్టుతో అసభ్యంగా మాట్లాడినట్లు  తెలుస్తోంది.  కేంద్ర మంత్రి హోదా స్థాయిలో ఉండి  మహిళ జర్నలిస్టుతో  వాయలార్  రవి చేసిన  వ్యాఖ్యలపై తీవ్రమైన విమర్శలు  వినిపిస్తున్నాయి.  కేరల వైద్యుడు చిక్కుల్లో పడ్డారు.  సూర్యవెల్లి  సామూహిక  అత్యాచారం కేసులో  రాజ్యసభ  డిప్యూటీ  చైర్మన్  పీజే  కురియన్ పై వచ్చిన  ఆరోపణల  గురించి  ప్రశ్నించిన  మహిళా జర్నలిస్టుతో  అసభ్యంగా మాట్లాడి.. ఆనక నాలుక కరుచుకున్నారు.  ఆయన మాటలు విన్న  మిగిలిన నాయకులు సైతం ఆశ్చర్యపోయారు. 

వయలార్ రవి  తిరువనంతపురంలో ఉండగా .. ఆ టీవీ  జర్నలిస్టు  సూర్యవెల్లి కేసులో ధర్మరాజన్  వెల్లడించిన  అంశాలపై ప్రశ్నించారు. దాంతో  కేరళ వైద్యుడులో  కామాంధుడు ఆగ్రహించాడు.  వెంటనే  వయలార్  రవి ఆమె నుంచి  మైకు లాక్కుని..  ‘‘నీకు కురియన్ అంటే  వ్యక్తిగత ద్వేషం ఏమైనా ఉందా? ఇంతకుముందేమైనా  అనుభవాలున్నాయా, ఏమైనా తేడా వచ్చిందా? ’’ అని  అడగటంతో  ఆ మహిళా జర్నలిస్టు  ఆశ్చర్యానికి లోనై, బాధతో  తలదించుకుంది.   అసలు నీకేమైనా అనుభవం ఉందా? అనే మాటలు వాయలార్ రవి ఏ ఉద్దేశంతో అన్నారో  తెలియాలేదు. కానీ ఒక మహిళ  జర్నలిస్టుపై కేంద్ర మంత్రి స్థాయిలో  ఉండి  అసభ్యంగా మాట్లాడిన  వాయలార్ రవి పై ఎలాంటి చర్యలు తీసుకుంటారని  విపక్షనేత  వీఎస్ అచ్చుతానందన్  అడుగుతున్నారు.  ఈ విషయం పై  కేరళ  అసెంబ్లీలో  గందరగోళం చెలరేగింది.  అయితే.. వయలార్  రవి  ఆ తర్వాత  స్వయంగా  పశ్చాత్తాపం వ్యక్తం చేసినట్లు  ముఖ్యమంత్రి  ఊమెన్  చాందీ తెలిపారు.  ప్రజా నాయకులే  మహిళ పట్ల  ఇంత సులకనగా  మాట్లాడుతుంటే.. బయట ప్రపంచంలో  మహిళలకు రక్షణ ఎలా ఉంటుందని  మహిళ సంఘాలు అంటున్నాయి.  ఇప్పుడు  కేరళ వైద్యుడుకి  ఏరకం మందు వేస్తారో చూడాలి?