Posted: 02/07/2013 01:30 PM IST

తొమ్మిది సంవత్సరాలు రాష్ట్రాన్ని పాలించిన తెలుగుదేశం పార్టీ అధ్యక్షుడు చంద్రబాబు నాయుడు హైటెక్ బాబుగా పేరొందిన విషయం తెలిసిందే. ఆయన అధికారంలో ఉన్నప్పుడు హైదరాబాద్ ని ఐటీ రంగంలో అభివ్రుద్ది చేసి ఇప్పుడు వేలాది మందికి ఉపాది కల్పించిన వాడిగా పేరొందిన బాబు అధికారం చేజారి పోయి కూడా తొమ్మిది సంవత్సరాలు కావస్తుంది. కానీ ఆయన హైటెక్ హంగులలో మాత్రం ఏ మాత్రం తేడా రాలేదు. అవినీతి అంతం కోసం చేపట్టిన పాదయాత్రలో కూడా బాబు హైటెక్ హంగులు ప్రదర్శిస్తున్నాడు. ఇక ప్రస్తుతం గుంటూరు జిల్లాలోకి ప్రవేశించిన తరువాత ఎండ బాగా ఖాయడంతో చంద్రబాబు సోలార్ ఫ్యాన్ క్యాప్‌ను ధరించారు

ఈ ఫ్యాన్ సౌరశక్తితో పనిచేస్తుంది. ఫ్యాన్ తిరుగుతూ ముఖంభాగం వరకు చల్లని గాలి వీస్తుంది. ఈ క్యాప్‌కు పై భాగంలో చిన్న సోలార్ ప్యానెల్ బిగించి ఉంటుంది. అది సూర్యరశ్మిని గ్రహించి సోలార్ శక్తిని ఎల్రక్టికల్ శక్తిగా మారుస్తుంది. ఆ శక్తి సోలార్ సెల్‌లో నిక్షిప్తమౌతుంది. అక్కడ నుండి చిన్న వైరు ద్వారా క్యాప్ ముందు భాగంలోని ప్లాస్టిక్ ఫ్యాన్‌కు కనెక్టు చేస్తారు. ఎండ తీవ్రతను బట్టి ఫ్యాన్ వేగం మారుతుంది. వద్దనుకున్నప్పుడు ముందు భాగంలో ఉండే చిన్న స్విచ్‌తో ఆఫ్ చేసుకోవచ్చు. ఇది పనిచేయడానికి సోలార్ శక్తి నుండి వచ్చే ఐదు వోల్టుల కరెంట్ సరిపోతుంది. మరి చంద్రబాబు ధరించిన టోపీలకు గిరాకీ ఇక్కడ కూడా పెరుతుందో లేదో చూడాలి.