Posted: 12/30/2012 04:43 PM IST

వైయస్ రాజశేఖర్ రెడ్డి ఉన్నప్పుడు ఆయనకు వెన్నుదన్నుగా ఉంటూ, వీర విధేయురాలు అనిపించుకున్న కొండా సురేఖ ఆయన మరణం తరువాత కూడా ఆయన పై అభిమానాన్ని చంపుకోలేక, ఆయన తనయుడికి అండగా ఉంటూ, ఆయన కోసం కాంగ్రెస్ పార్టీకి రాజనామా చేసి వైయస్సార్ కాంగ్రెస్ పార్టీలో కొనసాగుతున్న విషయం తెలిసిందే. జగన్ కోసం, తెలంగాణ కోసం రాజీనామా చేసి ఎమ్మెల్యే పదవిని సైతం పొగట్టుకున్న కొండా సురేఖ ఇప్పుడు వైయస్సార్ కాంగ్రెస్ పార్టీకి దూరం అవుతున్నారనే వార్తలు వినిపిస్తున్నాయి. కొండా సురేఖకు ఆ పార్టీలో తగిన ప్రాధాన్యం ఇవ్వడం లేదని, ఆ పార్టీ కి వరంగల్ జిల్లాలో అండగా ఉంటున్న ఆమెను సంప్రదించకుండానే అన్ని పనులు చేసేస్తున్నారని, పార్టీలో చేరేవారి గురించి తనకు కనీస సమాచారం కూడా ఇవ్వడం లేదని ఆమె భావించి పార్టీకి దూరంగా ఉంటుందని అంటున్నారు. వైయస్ జగన్ సోదరి షర్మిల పాదయాత్రలో కూడా మొక్కుబడిగానే ఆమె పాల్గొన్నట్లు వార్తలు. ఇక ముఖ్యమైన అఖిల పక్ష సమావేశానికి ఈమెను పంపించాలనే ప్రస్తావన కూడా పార్టీలో రాకపోవడం పై సురేఖ గుర్రుగా ఉందని అంటున్నారు.  ఇక వైయస్ జగన్ మోహన్ రెడ్డి కూడా సురేఖ పట్ల ఆగ్రహంగా ఉన్నట్లు తెలుస్తుంది. ఆ మధ్యన కేసీఆర్ కుటుంబం ఆత్మహత్య చేసుకుంటే తెలంగాణ వస్తుందని సురేఖ ఘాటుగా విమర్మించిన విషయం తెలిసిందే. ఈ వ్యాఖ్యల పట్ల వైయస్సార్ పార్టీ అధినాయత్వం అసంతృప్తి ని వ్యక్తం చేసినందని అంటున్నారు. ఈమె చేసిన వ్యాఖ్యలకు మద్దతుగా ఓ ఒక్క వైయస్సార్ పార్టీ నాయకుడు కూడా మాట్లాడలేదు. దీంతో బాగా కలత చెందిన సురేఖ జగన్ పార్టీకి దూరంగా ఉంటున్నట్లు, త్వరలో ఈమె పార్టీని వీడే ఆలోచనలో కూడా ఉందని అంటున్నారు. ఒకవేళ సురేఖ పార్టీని వీడితే ఏ పార్టీలో చేరుతారో చూడాలని అంటున్నారు వరంగల్ జిల్లా ప్రాంత నాయకులు.