Posted: 12/10/2012 11:12 AM IST

లోక్ సత్తా పార్టీ అధినేత జయప్రకాష్ నారాయణ్ (జేపి) సురాజ్య పేరిట మూడు రోజుల  పాటు నిరహారదీక్షలు చేసిన విషయం తెలిసిందే. అయితే ఆయన నిరసనకు అన్ని రాజకీయ పార్టీలు  మద్దతు తెలిపాయి. చిత్ర పరిశ్రమ నుండి కూడా జేపికి మద్దతు లభించింది. అవినీతి అంతం చేయటానికి జయప్రకాష్ నారాయణ   సురాజ్య ఉద్యమం చేస్తున్న విషయం తెలిసిందే. అయితే  జేపీ చేసే సురాజ్య ఉద్యమానికి ప్రజలను మంచి స్పందన రావటంతో జేపి వేగంగా ముందుకు వెళ్లుతున్నారు.  ప్రజల మధ్య అభద్రత, అందోళన.. కసి  విద్వేషాలు పెంచే  ఉద్రేకాలతో  ప్రయోజనం  ఉండదని  జేపి అంటున్నారు. ఉద్రేకం కావాలి కానీ.. ఇలాంటి ఉద్రేకం కాదు.  మేధస్సుతో కూడిన  ఉద్రేకం కావాలని ఆయన అన్నారు. దేశాన్ని  ప్రజల బతుకులను  బాగు చేసే  మేధస్సుతో కూడిన  ఉద్రేకం కావాలని  ఆయన ఆలోచన.  అలాంటి ఉద్రేకాన్ని  ప్రజల్లో తీసుకురావాలి.  అంతేగానీ కొంత మంది రాజకీయ నాయకులు  ప్రజలను రెచ్చగొడుతున్నారు.  రాష్ట్రం విడిపోతే  హైదరాబాద్ లో  సీమాంద్రులు  ఉండలేరని  లగడపాటి  ప్రజల్లో  అభద్రత, ఆందోళన  రేపుతుంటే.. మరొ పక్క  తమ  నిధులు,  నీళ్లు దోచుకున్నారంటూ  వేర్పాటువాదలు కసి, విద్వేషం  పెంచుతున్నాయాని  జేపి అన్నారు. ఇలాంటి ఉద్రేకాలు   సమస్యలను  పరిస్కారం కాదని ఆయన అన్నారు.

గుజరాత్ లో   బీజేపీ ప్రభుత్వం .. అందరూ ఓటు  వేయడాన్ని  తప్పనిసరి చేస్తూ.. చట్టం ప్రవేశ పెట్టింది. అయితే కొందరు  కోర్టుకు వెళ్లి స్టే తెచ్చారని .. చట్టం ఎవరు చేశారని కాకుండా ప్రజాస్వామ్యహిత్వాన్ని  పరిగణనలోకి  తీసుకోవాలని  ఆయన సలహా ఇచ్చారు.  సురాజ్య ఉద్యమాన్ని  కళల ద్వారా  ప్రచారం చేసేందుకు  తమ పార్టీ క్రుషి చేస్తుందని  ఆయన అన్నారు.  ప్రజల్లో  ప్రశ్నించే  చైతన్యం  తీసుకురావాలని  ఆయన కోరారు. సురాజ్య ఉద్యమానికి మద్దతు ఇచ్చిన సినీ దర్శకుడు రాజమౌళి .. ఇటీవల కాలంలో  సినిమాలో పై వివాదం చేయటం బాగా పెరిగిపోయిందని  ఆయన అన్నారు.  ప్రజలు ఎవరూ బాధకు లోను కాకుండా  సినిమా తీయాలంటే  చాలా కష్టమని  రాజమౌళి చెప్పారు.   జేపీ మీద గౌరవంతోనే సురాజ్య  ఉద్యమంలో  పాల్గొనాలని నిర్ణయించుకున్నానని  రాజమౌళి చెప్పారు.