Posted: 11/17/2012 11:55 AM IST

ఆమె ఓ సామాన్య మహిళ. కానీ దేశంలో ప్రజాస్వామ్య స్థాపన కోసం సైనిక ప్రభుత్వాన్నే ఎదిరించింది. నిర్భందాలకు భయపడలేదు. వేధింపులతో  వెనకడుగు వేయలేదు.  లక్ష్య సాధనలో  కష్టాలను వెరవలేదు.  యావత్  ప్రపంచం  మద్దతు కూడగట్టింది. నోబెల్  సహా పలు సత్కారాలు  ఆమెను  వెదుక్కుంటూ వచ్చాయి. ఆమె ద్రుడ సంకల్పం ధాటికి  మిలటరీ ప్రభుత్వం దిగిరాక తప్పలేదు. అబలను కాదు సబలని  నిరూపించుకొన్న మహిళ నేత  ఆమే ఆంగ్ సాన్ సూకీ. మయన్మార్  ప్రజాస్వామ్య ఉద్యమనేత.

అంతర్జాతీయంగా పేరు ప్రఖ్యాతలు గడించిన  ఓ  ఉద్యమకారిణి  మన రాష్ట్రంలోని  అనంతపురం జిల్లాలోని  ఓ మారుమూల అతి సాధారణ  గ్రామమైన  పాపసాని పల్లికి బయలుదేరింది. భారత్ లో పర్యటిస్తున్న మయన్నార్  ప్రజాస్వామ్మ ఉద్యమ నేత ఆంగ్ సాన్ సుకీ  ఈ రోజు ఉదయం  అనంతపురం  జిల్లా  పాపసానిపల్లి గ్రామంలో  సుమారు రెండున్నర  గంటల పాటు  గడపనున్నారు.  గ్రామీణాభివ్రుద్ది  పథకాల  అమలు తీరును పరిశీలించి, తమ దేశంలో  అదే తరహాలో  ప్రారంభించాలన్న లక్ష్యంతో  ఆమె  ఈ ప్రాంతాన్ని పరిశీలిస్తారు. సూకీతో పాటు కేంద్ర గ్రామీణాభివ్రుద్ది  శాఖ మంత్రి జైరాం రమేష్, ముఖ్యమంత్రి  కిరణ్ కుమార్ రెడ్డి, పలువురు మంత్రులు పాల్గొంటారు.

ఈ రోజు సూకీ షెడ్యూలు

1. బెంగుళూరు నుంచి అనంతరపురం  జిల్లాలోని  పాపసానిపల్లి  గ్రామానికి ప్రత్యేక హెలికాప్టర్ లో  అక్కడి చేరుకుంటారు.

2. పొదుపుతో  అభివ్రుద్దిని స్థానిక అధికారులు  పవర్ పాయింట్  ప్రెజెంటేషన్  ద్వారా  ఆమెకు వివరిస్తారు.

3.  ఉపాది హామీ పథకంలో  భాగంగా  చేపట్టిన పండ్లతోటల పెంపకం.. వివిధ  పనులు పరిశీలిస్తారు.

4.  పొదుపు సంఘాల ద్వారా జీవితాన్ని  చక్కదిద్దుకున్న ముద్దక్క ఇంటికి  వెళ్లి ఆమె ప్రగతి గురించి  ప్రత్యేకంగా తెలుసుకుంటారు.

5. పొదుపు ఉద్యమానికి  పునాదిగా ఉన్న పొదుపు సంఘాల  సమావేశం నిర్వహాణను స్వయంగా  పరిశీలిస్తారు.  లభిదారులతో  నేరుగా  మాట్లాడేందుకు  ఆమె ప్రాధాన్యం ఇస్తారు.  పిల్లలకు, బాలింతలకు  పౌష్టికాహారం  అందిస్తున్న తీరు, సేంద్రియ సాగు  విధానాలు , మెట్ట బూముల్లో  పండ్లతోటల సాగు, పాల ప్రగతి కేంద్రాల  పనితీరు తెలుసుకుంటారు.

6. అన్ని తెలుసుకున్నతరువాత ఆమె తిరిగి హెలికాప్టర్ లో  బెంగుళూరు వెళ్తారు.