Posted: 11/14/2012 07:42 PM IST

 హైదరాబాద్ పాతబస్తీలో ఛార్మినర్  వద్ద ఉన్న భాగ్యలక్ష్మీ ఆలయానికి వెళ్లకుండా అడ్డుకుని పోలీసులు తనను అరెస్టు  చేయడం పై స్వామి పరిపూర్ణానంద మండిపడ్డారు.  ఈ విషయంపై  తక్షణం  ముఖ్యమంత్రి కిరణ్ కుమార్ రెడ్డి  సమాధానం చెప్పాలని  స్వామి డిమాండ్ చేశారు. ఒకవేళ ముఖ్యమంత్రి  చెప్పాలేని పక్షంలో  కార్యాచరణ ప్రకటిస్తానని  ఆయన అన్నారు.   భాగ్యలక్ష్మి ఆలయం వద్ద వివాదానికి  కారణమైన  వారిని అదుపులోకి తీసుకోవాలసింది పోయి  పోలీసులు తనను అరెస్టు  చేయటమేమిటని  ఆయన ప్రశ్నించారు.  ఏడుగంటల పాటు  తనను నిర్భందించి పోలీసు స్టేషన్ లో  ఉంచటం  దేనికి నిదర్శనమో ప్రభుత్వం జవాబివ్వాలన్నారు.  ఆలయం వల్ల చారిత్రాత్మక కట్టడమైన చార్మినార్ కు  ఎటువంటి ఇబ్బంది లేదని, అక్కడ తిరిగే వాహనాలు, ధ్వని , వాయుకాలుష్యం వలనే  కట్టడానికి ముప్పు ఏర్పడుతోందని  పరిపూర్ణానంద అన్నారు.