Dmk Turns Down Pm Offer Of Berths In Union Cabinet

Posted: 09/26/2012 03:01 PM IST

DMK_turns_down_PM

డీఎంకె పార్టీ అధినేత, తమిళనాడు మాజీ ముఖ్యమంత్రి, యూపీఏ ప్రభుత్వంలో కీలక భాగస్వామి అయిన కరుణానిధి ప్రధానమంత్రి మన్మోహన్ సింగ్ పై కరుణ చూపలేదు. యూపీఏ ప్రభుత్వంలో రెండు కేబినెట్ పదవులు, కొన్ని సహాయ మంత్రి పదవులు ఇవ్వడానికి ప్రధాని సిద్ధంగా ఉన్న ప్రధాని మంత్రి ఆయన కేబినెట్ లోని సహాయమంత్రి అయిన వి. నారాయణ స్వామిని చర్చలకు పంపించారు. వీరిద్దరి మధ్య 30 నిమిషాలకు పైగా సుదీర్ఘ చర్చ సాగింది. అయితే కరుణానిధి మాత్రం పార్టీ అభ్యర్థులను ప్రభుత్వంలో చేర్చేందుకు సిద్ధంగా లేమని, చేరేందుకు సిఫార్సు కూడా చేయమని చెప్పారు.

అయితే డీఎంకె వర్గాలు మాత్రం మా పార్టీ పార్లమెంటు సభ్యులు పదవులు తీసుకోవడానికి సిద్ధంగా ఉన్నప్పటికి కరుణానిధి యూపీఏ ప్రభుత్వ స్థిరత్వం గురించి ఆలోచిస్తున్నాడని అంటున్నారు. అదే పార్టీకి చెందిన జిల్లా కార్యదర్శులు మాత్రం యూపీఏకి వ్యతిరేకంగా ఉండటమే కాకుండా పొత్తు కూడా ఉపసంహరించుకోవాలని కరుణానిధిని కోరుతున్నారు.