ఒక కూలీకి కోటీశ్వరుడయ్యాడు. అంతలోనే అతని విధి రాత మారిపోయింది. కొన్ని గంటల పాటు ఉన్న ఈ ఆనందం ఆ తరువాత హరించుకుపోయింది. అందుకు కారణం బ్యాంకు అధికారులే. కూలికి చెందిన బ్యాంకు అకౌంట్లో ఒకటి రెండు కాదు ఏకంగా వేల కోట్ల రూపాయలను వేశారు. ఇందుకు సంబంధించిన మెసేజ్ అతనికి చేరింది. దీంతో తొలుత షాకైన కూలీ.. బ్యాంకుకు వెళ్లి కొద్దిగా డబ్బు తీసుకుందామని భావించేలోపు సంతోషం పోయి సన్నగిల్లపడ్డాడు. కూలికి చెందిన జన్ధన్ ఖాతాలో పడిన వేల కోట్ల రూపాయలు వచ్చినట్టే వచ్చి.. అంతలోనే చేజారిపోయాయి.
ఉత్తరప్రదేశ్లోని కన్నౌజ్ జిల్లాలో ఈ సంఘటన జరిగింది. ఇందుకు సంబంధించిన వివరాల్లోకి వెళ్తే.. 45 ఏళ్ల బీహారీ లాల్ రాజస్థాన్లోని ఇటుక బట్టీలో కూలీగా పనిచేస్తున్నాడు. రోజుకు రూ.600 నుంచి రూ.800 సంపాదించేవాడు. అయితే వర్షాల వల్ల ఆ ఇటుక బట్టీ మూతపడింది. దీంతో అతడు కన్నౌజ్ జిల్లాలోని సొంత ఊరికి ఇటీవల తిరిగి వచ్చాడు. కాగా, బీహారీ లాల్ రెండు రోజుల కిందట స్థానిక జన సేవా కేంద్రానికి వెళ్లాడు. తన జన్ధన్ బ్యాంకు ఖాతా నుంచి వంద రూపాయలు డ్రా చేశాడు. ఆ వెంటనే వచ్చిన మెసేజ్ తో అతనికి అసలు విషయం తెలిసింది.
అతడి మొబైల్ ఫోన్కు వచ్చిన మెసేజ్లో తన బ్యాంకు ఖాతాలో రూ.2,700 కోట్లు బ్యాలెన్స్ ఉన్నట్లు గమనించాడు. వెంటనే బ్యాంకు మిత్రా సిబ్బంది వద్దకు వెళ్లాడు. తన బ్యాంకు ఖాతాలో ఎంత డబ్బులు ఉన్నాయో చూడాలని కోరాడు. మరోవైపు బ్యాంక్ మిత్రా వ్యక్తి బీహారీ లాల్ బ్యాంకు ఖాతాను ఒకటికి మూడుసార్లు పరిశీలించాడు. అతడి జన్ధన్ ఖాతాలో రూ.2,700 కోట్లు ఉన్నాయని చెప్పాడు. దీనికి సంబంధించిన అకౌంట్ స్టేట్మెంట్ కూడా ప్రింట్ తీసి ఇచ్చాడు. దీంతో ఒక్కసారిగా కోటీశ్వరుడు కావడంపై బీహారీ లాల్ ఆశ్చర్యపోవడంతోపాటు సంబరపడిపోయాడు.
అయితే అతడి ఆనందం కొన్ని గంటల్లో ఆవిరైంది. బీహారీ లాల్ ఆ తర్వాత తన బ్యాంకు బ్రాంచ్కు వెళ్లాడు. అక్కడ జన్ధన్ ఖాతా బ్యాలెన్స్ను చెక్ చేసుకున్నాడు. అయితే అందులో కేవలం రూ.126 మాత్రమే ఉండటం చూసి నిరాశ చెందాడు. తన ఖాతాలో రూ.2,700 కోట్లు ఉన్నట్లు మొబైల్కు వచ్చిన మెసేజ్తోపాటు స్టేట్మెంట్ ప్రింట్ను బ్యాంకు అధికారికి చూపించాడు. అయితే బ్యాంకింగ్ పొరపాటు వల్ల ఇలా జరిగి ఉంటుందని బ్యాంకు అధికారులు తెలిపారు. ఈ విషయాన్ని ఉన్నతాధికారుల దృష్టికి తీసుకెళ్లారు. దీనిపై దర్యాప్తు కోసం బీహారీ లాల్ బ్యాంక్ ఖాతాను కొంతసేపు స్తంభింపజేశారు.
(And get your daily news straight to your inbox)
Aug 06 | భర్త నుంచి జీవన భృతి కోరుతూ కోర్టుకెక్కిన ముస్లిం మహిళకు ఏపీ హైకోర్టులో ఊరట లభించింది. ఈ క్రమంలో గత తీర్పును కొట్టేసిన న్యాయస్థానం.. తలాక్పై కీలక వ్యాఖ్యలు చేసింది. షరియత్ చట్ట నిబంధలనకు... Read more
Aug 06 | తెలంగాణపై వరుణుడు ప్రతాపం చాటుతూనే ఉన్నాడు. గడిచిన రెండు నెల్లలో రాష్ట్రంలో విస్తారంగా వర్షాలు కురియడంతో.. చెరువులు, వాగులు, వంకలు అన్ని నిండు కుండలను తలపిస్తున్నాయి. అయినా వరుణుడు శాంతించడం లేదు. ఉపరితల ఆవర్తన... Read more
Aug 06 | ప్రముఖ ఫుడ్ ఆర్డరింగ్ యాప్ జొమాటో డెలివరీ బాయ్ గా ఏడేళ్ల బాలుడు ఇంటింటికీ డెలివరీ చేస్తున్న వీడియో సోషల్ మీడియాలో వైరల్ అవుతోంది. రాహుల్ మిట్టల్ అనే ట్విట్టర్ యూజర్ ఈ వీడియోను... Read more
Aug 06 | మధుమేహం.. షుగర్.. ఎలా పిలిచినా ఒకసారి దాని బారిన పడ్డామంటే జీవితాంతం మందులు వాడాల్సిన పరిస్థితి ఉంటుంది. ఒక్క మందులే కాదు.. ఆహారం విషయంలోనూ ఎన్నో జాగ్రత్తలు తీసుకోవాలి. ఈ నేపథ్యంలో జనరల్ ఎలక్ట్రిక్... Read more
Aug 05 | కాంగ్రెస్ పార్టీ ఓ మాఫియాగా మారిపోయిందని దాసోజు శ్రవణ్ సంచలన వ్యాఖ్యలు చేశారు. ఓ మాఫియా మాదిరిగా పార్టీని నడుపుతున్నాడు. రేవంత్ రాజకీయాలతో కడుపు మండిపోతోంది. ఏం చేయలేని పరిస్థితిలో మేం ఉన్నాం. సంవత్సర... Read more