ITEMVIDEOS: కాలేజీ ప్రిన్సిపాల్‌ను కొట్టిన క‌ర్నాట‌క ఎమ్మెల్యే.. వీడియో

Posted: 06/22/2022 05:01 PM IST

క‌ర్నాట‌క‌ ప్రతిపక్ష జ‌న‌తాద‌ళ్ (ఎస్) ఎమ్మెల్యే ఎం శ్రీనివాస్ తన నియోజకవర్గం మాండ్యా.. అన్ని విధాల అభివృద్దిలో అగ్రగామిగా ఉండేలా చూసుకుంటూన్నారు. ఈ నేపథ్యంలో ప్రగతిదిశగా మాండ్యా పయనిస్తున్నా.. ఆయన చేసిన తప్పిదం ఆయన చేసే మంచిపనులను పక్కనపెట్టిస్తోంది. ఎమ్మెల్యేగా ఆయన చేసిన తప్పడు పనులనే పెద్దగా చూపుతోంది. ఇంతకీ ఇలా చేసేది ఎవరు అని అంటారా.? మరెవరో కాదు.. నెటిజనులు. సోషల్ మీడియాలో నిత్యం యాక్టివ్ గా ఉండే నెటిజనులు ఆయన కోపాన్ని మాత్రమే సెల్ ఫోన్లలో బంధించి.. ఆయనను అబాసుపాలు చేస్తున్నారు.

ఇప్పుడాయనకు చెందిన ఈ వీడియోను మాండ్యాలోని ప్రజలే కాదు యావత్ ప్రపంచమంతా చూస్తోంది. దీంతో ఆ వీడియో కాస్తా వైరల్ గా మారింది. ఇంతకీ ఏం జరిగిందన్న వివరాల్లోకి వెళ్తే.. మాండ్యాకు చెందిన జనతాదళ్ ఎస్ ఎమ్మెల్యే ఎం శ్రీనివాస్.. తన నియోజకవర్గంలోని నల్వాడీ క్రిష్ణరాజా వెడియార్ ఐటీఐ కాలేజీ ప్రిన్సిపాల్ నాగానంద్ చెంపలు చేల్లుమనిపించారు. మాండ్యా నియోజ‌క‌వ‌ర్గంలో శిధిలావస్థకు చెందిన ఈ ఐటీఐ కాలేజీకి కొత్త భవనాన్ని నిర్మించగా, దానిని ప్రారంభించేందుకు వెళ్లారు. ఇక అదే పనిలో భాగంగా ఆయన ప్రిన్సిపాల్ ను పిలిచారు.

అయితే ఎక్కడో వెనకాల ఉండటంతో కోపం తెచ్చుకున్న ఆయన.. సర్లే కానీ అంటూ.. ఐటిఔ కాలేజీలో కంప్యూట‌ర్ ల్యాబ్ డెవ‌ల‌ప్‌మెంట్ వ‌ర్క్ గురించి అడిగారు. అయితే ప్రశ్నలు దాటవేత ధోరణితో ప్రిన్సిపాల్ సమాధానం ఇవ్వడంతో ఆయనకు కోపం వచ్చింది. దీంతో ఆగ్ర‌హానికి గురైన ఆ ఎమ్మెల్యే.. ప్రిన్సిప‌ల్‌పై చేయి చేసుకున్నారు. ప‌దేప‌దే ఆయ‌న్ను కొడుతూ క‌నిపించారు. ఈ ఘ‌ట‌న జూన్ 20వ తేదీన జ‌రిగింది. ఈ ఘ‌ట‌న‌కు సంబంధించిన వీడియో ఇప్పుడు వైర‌ల్ అవుతోంది. ప్రిన్సిపాల్‌ను ఎమ్మెల్యే కొడుతున్న స‌మ‌యంలో అక్క‌డున్న‌వారంతా నిశ్చేష్టుల‌య్యారు.

JanataDal MLA M Srinivas slaps the Principal of Nalwadi krishnaraja college in Karnataka in infront of everyone

This happens when power goes to head

Shamepic.twitter.com/8RTCCud8Mo

— Sheetal Chopra (@SheetalPronamo) June 21, 2022