ITEMVIDEOS: బోనులో ఉన్నానని దగ్గరికి వస్తావా.? సందర్శకులకు చుక్కలు చూపిన ఒరెంగుటాన్.!

జంతు ప్రదర్శనశాలలు అదేనండీ జూలలో జంతువుల‌ ఉన్న బోనులకు అతి ద‌గ్గ‌ర‌గా వెళ్లొకూడదని అక్కడి నిర్వాహకులు చెబుతుంటారు. ఇందుకోసం జూలలో జూకీపర్లను కూడా ఏర్పాటు చేస్తుంటారు. అయితే ఇటీవల ఆఫ్రికా దేశంలోని ఒక జూలో అలా చేయవద్దని చెప్పాల్సిన జూ కీపర్ సింహం బోనులో ఉంది కదా అని దానితో ఆటలాడి అందుకు చక్కటి ప్రతిఫలంగా తన చేతి వేళ్ల చర్మాన్ని సమర్పించుకున్న విషయం తెలిసిందే. ఇంత జరిగినా అసలేం జరుగుతుందో కూడా అక్కడి ప్రదర్శనశాల సందర్శకులకు అర్థం కాలేదు. తీరా చూసేసరికి జూకీపర్ రక్తపు గాయాలతో పరుగులు తీశాడు.

అందుకనే జూలలోకి వెళ్లినప్పుడు అక్కడి జంతువులతో కాసింత జాగ్రత్తగా ఉండాలి. అవి కావాలని చేయి చాచినా.. తగు దూరం పాటించే కానీ వాటికి పళ్లు, ఆహార పధార్థాలు అందించాలి తప్ప.. వాటికి మీరు అందే విధంగా దగ్గరికెళితే ఏం జరుగుతుందో ఈ వీడియో చూస్తూ మీకే అర్థమవుతుంది. జంతువులకు దగ్గరగా వెళ్లరాదని జూ సంద‌ర్శ‌కుల‌ను నిర్వాహ‌కులు హెచ్చ‌రిస్తుంటారు. అయినా, చాలామంది వారి మాట‌లు పెడ‌చెవిన పెడ‌తారు. జూ నియ‌మాలు ప‌క్క‌కుపెట్టి ఇబ్బందుల్లో ప‌డుతుంటారు. అలాంటి వీడియో ఒక‌టి ఇప్పుడు నెట్టింట వైర‌ల్‌గా మారింది.

pic.twitter.com/6yhHjvDjgT

— san (@sundaykisseu) June 7, 2022

ఓ సంద‌ర్శ‌కుడు ఒరెంగుటాన్ ఉన్న బోనుకు అతిద‌గ్గ‌ర‌గా వెళ్ల‌గా, అత‌డిని అది గ‌ట్టిగా ప‌ట్టేసుకున్న‌ది. ఈ వీడియో చూసి నెటిజ‌న్లు న‌వ్వాపుకోలేక‌పోతున్నారు. 32 సెక‌న్ల నిడివిగ‌ల వీడియో ఆన్‌లైన్‌లో చ‌క్క‌ర్లు కొడుతోంది. ఇందులో ఓ వ్య‌క్తి ఒరెంగుటాన్ బోనుకు అతిద‌గ్గ‌ర‌గా వెళ్లాడు. దీంతో అది మొద‌ట ఆ వ్య‌క్తి చొక్కాప‌ట్టి లాగింది. అనంత‌రం కాలును ప‌ట్టేసుకుంది. ఆ వ్య‌క్తి ఎంత విడిపించుకోవాల‌ని చూసిన కుద‌ర‌లేదు. చివ‌రికి ఒరెంగుటూన్ అత‌డిని వ‌దిలేసింది. ఈ వీడియో చూసిన‌వారంతా ప‌గ‌ల‌బ‌డి న‌వ్వుతున్నారు.

here’s the rest