ITEMVIDEOS: ఛత్తీస్ గఢ్లో కుప్పకూలిన హెలికాప్టర్​.. ఇద్దరు పైలట్లు మృతి

Posted: 05/13/2022 11:53 AM IST

ఛత్తీస్​గఢ్​ లో విషాదం చోటుచేసుకుంది. రాయ్​పూర్​లో రాష్ట్రప్రభుత్వానికి చెందిన ఓ హెలికాప్టర్​ కుప్పకూలింది. ఈ ఘటనలో ఇద్దరు పైలట్లు మృతిచెందారు. పోలీసుల కథనం ప్రకారం.. గురువారం రాత్రి ఈ ఘటన చోటుచేసుకుంది. రాయ్​పూర్​లోని స్వామి వివేకానంద ఎయిర్​పోర్టులో ఫ్లైయింగ్​ ప్రాక్టీస్​ జరుగుతోంది. ఈ క్రమంలో హెలికాప్టర్ వేసుకుని ప్రాక్టీసుకు వెళ్లివచ్చిన పైలెట్లు.. హెలికాప్టర్​ను ల్యాండ్​ చేస్తున్న సమయంలో ఒక్కసారిగా మంటలు చెలరేగాయి. దీంతో ఆ మంటల్లో పైలెట్లు ఇద్దరు తీవ్రగాయాలపాలయ్యారు.

కాగా వారిని అసుపత్రికి తరలించి చికిత్స అందించినా.. తీవ్ర గాయాల నేపథ్యంలో వారు చికిత్సకు స్పందించలేదు. దీంతో ఈ హెలికాప్టర్ లో ఉన్న ఇద్దరు పైలెట్లు కెప్టెన్​ గోపాల్​ కృష్ణ పాండే, కెప్టెన్​ ఏపీ శ్రీవాత్సవ మరణించారు. అయితే ఈ హెలికాప్టర్ ప్రమాదం జరిగిన సమయంలో హెలికాప్టర్​లో ప్రయాణికులు ఎవరు లేరు. కానీ హెలికాప్టర్ ల్యాండింగ్ సమయంలో అకస్మాత్తుగా మంటలు చెలరేగడానికి కారణం ఏమిటన్నది అధికారులు పరిశీలిస్తున్నారు. ఘటనకు కారణాలను అన్వేషించేందుకు డీజీసీఏ (డైరక్టరేట్​ జనరల్​ ఆఫ్​ సివిల్​ ఏవియేషన్​), ఛత్తీస్​గఢ్​ ప్రభుత్వం రంగంలోకి దిగాయి.

ఛాపర్ క్రాష్ లో ఇటీవల దేశ త్రివిధ దళాల అధినేత, బిపిన్ రావత్, ఆయన సతీమణి సహా 15 మంది మరణించిన విషయం తెలిసిందే. తమిళనాడులోని కొకనూర్ లో జిరగిన ఈ ఘటన తరువాత మళ్లీ అలాంటి ఘటనే చత్తీస్ గడ్ లో సంభవించడం విషాధాన్ని నిపింది. ఈ ఘటనపై ఛత్తీస్​గఢ్​ ముఖ్యమంత్రి భూపేష్​ భగేల్​ తీవ్ర దిగ్భ్రాంతి వ్యక్తం చేశారు. మరణించిన పైలట్లకు నివాళులర్పించారు. ఇదొక బాధాకరమైన సంఘటన అని, మృతుల కుటుంబాలకు దేవుడు శక్తిని ఇవ్వాలని ప్రార్థించారు. మృతుల ఆత్మకు శాంతి చేకూరాలని ట్వీట్​ చేశారు.

Tragic #helicopterCrash accident occurred at Swami Vivekanand airport Raipur, two pilots captain AP Shrivastva and captain Panda died in the crash. Chhattisgarh govt helicopter, #AugustaWestland -109. Earlier there were several complaints about the condition of the copter (SM) pic.twitter.com/oyWy6mcPGr

— avdhesh (@aviavi1001) May 12, 2022