ITEMVIDEOS: ప్రహరీ గోడ దూకి.. ఇంటి తలుపు తెరచిన ఎలుగుబంటి..

Posted: 04/28/2022 08:51 PM IST

పెద్దలు ఏది చెప్పినా అది మన మంచికే అన్న విషయం తెలియని నేటి తరం.. వారిదో చాదస్తమని పేరు పెట్టేస్తుంటారు. కానీ దాని వెనుక దాగిన నిజం ఏంటో తెలిసే సమయం వచ్చినప్పుడు మాత్రం ఔను.. అని నాలుక కరుచుకోవడం తప్ప మరేం చేయలేరు. మరీ ముఖ్యంగా అనాటి పరిస్థితుల్లో వారు తమ ఇళ్లలోకి రావడం కానీ వెళ్లడం కానీ కూడా గుట్టుగా చేసేవారు. అయితే అది దొంగల బెడద తప్పించుకోవడానికి మనం అనుకునేవాళ్లం. వాళ్లు కూడా అలాగే చెప్పేవారు. ఓరి నీ చాదస్తం.. ఈ కాలంలో దొంగలు ఉన్నా ఇళ్లలోకి వచ్చారంటే సిసిటీవీ ఫూటేజీలు గట్రా వున్నాయిగా.. అంటూ సముదాయించే ప్రయత్నం చేస్తాం..

ఇక మరింత ధైర్యాన్ని అందించేందుకు.. ఇప్పుడున్న సాంకేతికతతో ఇంటి తలుపులు ఎవరు తెరవాలన్నా కుదరదు. ఎందుకంటే భయోమెట్రిక్ విధానం కూడా అందుబాటులోకి వచ్చిందని చెబుతాం. కానీ అసలు విషయం ఏంటంటే దొంగలే కాదు.. మనుషులను అనుకరించే మృగాలు కూడా ఇలానే చేస్తాయన్న విషయం మనకు తాజాగా తెలియవచ్చింది. అందుకు కారణం ఈ వీడియోనే. ఎలుగుబంట్లు.. అప్పుడ‌ప్పుడూ జ‌నావాసాల్లోకి వ‌స్తుంటాయి. వాటిని చూసి జ‌నం బెంబేలెత్తిపోతుంటారు.అయితే, అమెరికాలో ఓ ఎలుగుబంటి గోడ‌దూకి నేరుగా ఇంటికే వ‌చ్చేసింది.

ఇంటి డోర్‌ను తెరిచేందుకు ప్ర‌య‌త్నించింది. ఈ వీడియో నెట్టింట వైర‌ల్‌గా మారింది. ఈ సీసీటీవీ ఫుటేజీ క్లిప్‌ను న్యూయార్క్ స్టేట్ డిపార్ట్‌మెంట్ ఆఫ్ ఎన్విరాన్‌మెంటల్ కన్జర్వేషన్ ఫేస్‌బుక్‌లో షేర్ చేసింది. క‌చ్చితంగా ఆ ఇల్లు ఎక్క‌డుందో అధికారులు పేర్కొన‌లేదు. ఈ వీడియోలో గోడ‌దూకి వ‌చ్చిన ఎలుగుబంటి త‌న ప‌ళ్ల‌తో డోర్ ముందుభాగాన్ని తెరుస్తుంది. అయితే, వెనుక ఉన్న చెక్క త‌లుపును తెర‌వ‌లేక‌పోతుంది. అనంత‌రం అక్క‌డినుంచి వెళ్లిపోతుంది. వేస‌వితాపం త‌ట్టుకోలేక ఎలుగుబంట్లు జ‌నావాసాల్లోకి వస్తాయ‌ని, ప్ర‌జ‌లు వాటికోసం ఆహారాన్ని బ‌య‌టే ఉంచాల‌ని అధికారులు సూచించారు.