https://www.teluguwishesh.com/
New Variant 'IHU' Have 46 Mutations ప్రాన్సులో భయటపడిన డేంజరస్ కరోనా ఐ.హెచ్.యు వేరియంట్..
కరోనా మహమ్మారి ప్రపంచ గమనాన్ని మార్చివేసింది. ఇప్పటికే పలు దేశాలలో మూడు, నాలుగు దశలు కూడా ఎదుర్కోన్నాయి. అయినా ఇప్పటికీ ఇంకా ప్రపంచాన్ని తన వేరియంట్లతో కోవిడ్ అత‌లాకుత‌లం చేస్తోంది. దశకు దశకు మధ్య రూపాంతరం చెందుతున్న మహమ్మారి.. ఇప్పటికే ఒమిక్రాన్ తో అందరినీ ఆందోళనకు గురిచేస్తుండగా, తాజాగా ఫ్రాన్సులో వెలుగుచూసిన వేరియంట్ ఒమిక్రాన్ ను మించిన మ్యూటేషన్లతో ప్రపంచం మొత్తాన్ని కొద్దిపాటి కాలంలోనే చుట్టేసేలా ఉండటం గమనార్హం. ఇది అత్యంత డేంజరస్ వేరియంట్ అని దీనికి ఏకంగా 46 మ్యూటేషన్లు ఉన్నాయని తాజా అధ్యయనాల్లో తేలింది. యూర‌ప్ దేశ‌మైన ఫ్రాన్స్‌లో ఈ కొత్త వేరియంట్ కేసులు న‌మోదైన‌ప్ప‌టికీ.. వారంతా ఆఫ్రికన్ దేశ‌మైన కామెరూన్ నుంచి రావ‌డం ఇప్పుడు క‌ల‌వ‌ర‌పెడుతున్న‌ది.
ద‌క్షిణ ఫ్రాన్స్‌లోని మార్సెయిల్స్‌లో ఇప్పటివరకు ఈ వేరియంట్ కు చెందిన 12 కేసులు రికార్డ‌య్యాయి. వీటిని B.1.640.2 కేసులుగా గుర్తించిన ఇన్‌స్టిట్యూట్ ఆఫ్ ఐహెచ్యూ మెడిటెర్ర‌నీ ఇన్ఫెక్షన్ గుర్తించింది. ఈ వేరియంట్‌కు ప్ర‌స్తుతానికి ఇనిస్టిట్యూట్ పేరునే ఖారారు చేసి ఐహెచ్యూ అని నామ‌క‌ర‌ణం చేశారు. కొత్త వేరియంట్ బాధితుల ట్రావెల్ హిస్ట‌రీని ప‌రిశీలించ‌గా ఆఫ్రికన్ దేశ‌మైన కామెరూన్ వెళ్లొచ్చిన‌ట్లు తెలిసింది. అయితే ఐహెచ్యూ అధ్యయనంలో ఈ కొత్త వేరియంట్ ఒమిక్రాన్ లో వున్న 30 మ్యూటేషన్ల కన్నా అధికంగా 46 మ్యుటేషన్లతో కూడుకుని వుందని తేలింది.
ఒమిక్రాన్ వేరియంట్లో 30కి పైగా మ్యుటేష‌న్లు ఉంటేనే ప్రపంచాన్ని ఒణికిస్తుండ‌గా.. ఈ కొత్త వేరియంట్లో 46 ఉత్ప‌రివ‌ర్త‌నాలు వల్ల మరింత వేగంగా ఇది ప్రపంచాన్ని చుట్టేస్తుందని వైద్యనిపుణులు ఆందోళన చేందుతున్నారు. అయితే, దీనిపై ఇంకా పరిశోధనలు జరుగాల్సిన ఉందని పేర్కొన్నారు. ప్రస్తుతం కొత్త వేరియంట్ ఇన్ఫెక్షన్ రేటు ఎక్కువగా లేదని ప్రైమరీ డేటా పేర్కొంది. ఇదిలావుండగా, ఈ కొత్త వేరియంట్ ఫ్రెంచ్ సరిహద్దుల నుంచి బ్రిటన్‌లోకి ప్రవేశించి ఉండొచ్చని శాస్త్రవేత్తలు ఆందోళన చెందుతున్నారు. అయితే ఇప్పటి వరకు వచ్చిన కరోనా అన్ని వేరియంట్ల B.1.640.2 భిన్నంగా ఉంటుందని శాస్త్రవేత్తలు పేర్కొంటున్నారు.
ఈ వేరియంట్లో అసాధారణ కలయికలను గమనించామని వారు తెలిపారు. కొత్త వేరియంట్ అనేక జన్యు మార్పులను చూపుతోందని శాస్త్రవేత్తలు పేర్కొంటున్నారు. అయితే ఫ్రాన్స్ మిన‌హా వేరే దేశంలో ఈ వేరియంట్‌ను ఇంకా గుర్తించ‌లేదు. ప్రపంచ ఆరోగ్య సంస్థ కూడా ఈ కొత్త వేరియంట్‌పై ఇప్పటివరకు ఎటువంటి పరిశోధన ప్రారంభించలేదు. కానీ ఈ వేరియంట్ గురించి అమెరికా అంటువ్యాధుల నిపుణుడు ఎరిక్ ఫీగ‌ల్ డింగ్.. ఇది గత వేరియంట్ల కంటే ప్ర‌మాద‌క‌ర‌మైన‌వి కావాల్సిన అవ‌స‌రం లేదని స్ప‌ష్టం చేశారు. అయితే ఇది కూడా వేరియంట్ ఆఫ్ క‌న్స‌ర్న్‌గా చెప్పొకొచ్చిన ఆయన.. ఇది రోగ నిరోధ‌క శ‌క్తిని ఏమారుస్తుందా? లేదా? అన్నది వేచిచూడాలని అన్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
