CM Uddhav Thackeray slams NCB action in Mumbai drugs case ఎన్సీబిని వినియోగించిన అప్రతిష్ట తీసుకువచ్చే కుట్ర: ఉద్దవ్ థాకరే

Centre using drug hauls celebrities arrests to defame maharashtra cm uddhav thackeray

Aryan Khan, Sharukh Khan, Drugs Case, NCB, NCP, Nawab Malik, Uddhav Thackeray, Maharashtra CM, Bollywood, Mundra port seizure, Maharashtra, Crime

Maharashtra CM Uddhav Thackeray accused NCB of "deliberately" targeting celebrities, saying there was an effort to create an impression that Maharashtra has become a hub of narcotics. Uddhav Thackeray was referring to the nearly 3,000 kg of drug haul at Mundra Port in Gujarat which was worth Rs 21,000 crore.

కేంద్ర దర్యాప్తు సంస్థలను వినియోగించిన అప్రతిష్ట తీసుకువచ్చే కుట్ర: ఉద్దవ్ థాకరే

Posted: 10/16/2021 03:24 PM IST
Centre using drug hauls celebrities arrests to defame maharashtra cm uddhav thackeray

కేంద్రం స్వయం ప్రతిపత్తి గల ద‌ర్యాప్తు సంస్థ‌ల‌ను ప్ర‌యోగించి పలు రాష్ట్రాల్లోని రాజకీయ నేతలను, మరీ ముఖ్యంగా విపక్ష సభ్యులను టార్గెట్ చేస్తుందన్న విమర్శలు ఈ మధ్యకాలంలో అధికమయ్యాయి. కాగా ముంబైలోని క్రూయిజ్ రేవ్ పార్టీలో బాలీవుడ్ అగ్రహీరో షారుఖ్ ఖాన్ తనయుడు అర్యన్ ఖాన్ పట్టుబడిన తరువాత ఏకంగా దర్యాప్తు సంస్థలే అరోపణలను ఎదుర్కోంటున్నాయి. నాలుగు రోజుల కిందట ఎన్సీబికి చెందిన సీనియర్ నేత, మహారాష్ట్ర మంత్రి నవాబ్ మాలిక్ ఎన్సీబి అధికారులు ముగ్గురు యువకులను వదిలేశారని, వారికి బీజేపి నేతలతో దగ్గరి సంబంధాలు వుండటమే ఇందుకు కారణమని ఆయన అరోపించారు.

అంతేకాకుండా అర్యన్ ఖాన్ ను డ్రగ్స్ తీసుకుంటూ పట్టుబడేలా చేసేందుకు కుట్ర జరిగిందన్న అనుమానాలను కూడా ఆయన వ్యక్తం చేసిన విషయం తెలిసిందే. ఇదిలావుండగా ప్రస్తుతం మహారాష్ట్ర ముఖ్యమంత్రి ఉద్దవ్ థాకరే కూడా కేంద్ర దర్యాప్తు సంస్థలపై అలాంటి ఘాటు అరోపణలే చేశారు. మహారాష్ట్ర ప్రతిష్టను దెబ్బతినేలా చేసేందుకు కుట్ర జరుగుతుందని అరోపించారు. సెల‌బ్రిటీల‌ను ప‌ట్టుకుని ఫోటోలు క్లిక్‌మ‌నిపించ‌డంలోనే కేంద్ర ప్ర‌భుత్వానికి ఆసక్తి అధిక‌మ‌ని ఆర్య‌న్‌ఖాన్ డ్ర‌గ్స్ కేసును ఉద్దేశించి మ‌హారాష్ట్ర సీఎం ఉద్ధ‌వ్ ఠాక్రే కేంద్రంపై విమ‌ర్శ‌లు గుప్పించారు. డ్ర‌గ్స్ ప‌ట్టుబ‌డ‌టం మ‌హారాష్ట్ర‌లోనే జ‌రుగుతోందా అని ఆయ‌న నిల‌దీశారు. ముంబైలోని ష‌ణ్ముకానంద్ హాల్‌లో జ‌రిగిన ద‌స‌రా ర్యాలీలో ఠాక్రే మాట్లాడుతూ కేంద్రంపై నిప్పులు చెరిగారు.

ముంద్రా పోర్టులో రాష్ట్ర పోలీసులు ఇటీవ‌ల రూ 21 వేల కోట్ల విలువైన 3000 కేజీల డ్ర‌గ్స్‌ను స్వాధీనం చేసుకున్నా కేవ‌లం సెలబ్రిటీల అరెస్ట్‌పైనే దృష్టి కేంద్రీక‌రిస్తున్నార‌ని మండిప‌డ్డారు. సెల‌బ్రిటీల‌ను ప‌ట్టుకుని వారి ఫోటోల‌ను తీయ‌డంలోనే కేంద్ర ద‌ర్యాప్తు సంస్ధ‌లు (ఎన్సీబీ) హ‌డావిడి చేస్తున్నాయ‌ని అన్నారు. రాష్ట్ర ప్ర‌భుత్వ వ్య‌వ‌హారాల్లో కేంద్ర ప్ర‌భుత్వం మితిమీరిన జోక్యం చేసుకుంటూ బీజేపీయేత‌ర ప్ర‌భుత్వాల‌ను వేధిస్తోంద‌ని ఆరోపించారు. విప‌క్ష ప్ర‌భుత్వాల‌ను కూల‌దోసేందుకు కేంద్రం ప్ర‌య‌త్నిస్తోంద‌ని మండిప‌డ్డారు. హిందుత్వ‌కు బీజేపీతో ప్ర‌మాదం పొంచి ఉంద‌ని, కాషాయ పార్టీ నేత‌ల‌కు మ‌హాత్మ గాంధీ, వీర్ సావ‌ర్క‌ర్‌ల పేర్లు ప్ర‌స్తావించే అర్హ‌త కూడా లేద‌ని ఠాక్రే విరుచుకుప‌డ్డారు.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Aryan Khan  Drugs Case  NCB  Uddhav Thackeray  Maharashtra CM  Bollywood  Mundra port seizure  Maharashtra  Crime  

Other Articles

Today on Telugu Wishesh