ITEMVIDEOS: కార్యకర్తలను ఉత్తేజపరుస్తూ.. అంతలోనే కిందపడ్డ బీజేపి నేత

Posted: 09/29/2021 06:04 PM IST

కమల్ నాథ్ నేతృత్వంలోని కాంగ్రెస్ ప్రభుత్వాన్ని కూలదోసి.. పార్టీ యువనేత జ్యోతిరాధిత్య సింధియా వర్గాన్ని నిట్టనిలువునా విడదీసి తమలో విలీనం చేసుకుని.. అధికార పీఠాన్ని అధిరోహించిన శివరాజ్ సింగ్ పాటిల్ మరోమారు ముఖ్యమంత్రి పగ్గాలను చేపట్టిన విషయం తెలిసిందే. ఈ క్రమంలో ముఖ్యమంత్రి శివరాజ్ సింగ్ చౌహాన్ కు మద్దతు పలుకుతూ జోరుగా నినాదాలు చేస్తూ.. తన నినాదాలకు పార్టీ కార్యకర్తలను నుంచి వస్తున్న ప్రతిస్పందనలో తనను తాను మైమర్చిన ఓ బీజేపి నేత.. వేదికపై నుంచి ఒక్కసారిగా కిందపడి స్వల్ప గాయాలపాలయ్యారు.

మధ్యప్రదేశ్‌ ఖార్గోన్ జిల్లాలోని చైన్ పూర్‌లో ఈ ఘటన జరిగింది. ఈ ఘటనకు సంబంధించిన వీడియో అక్కడి కెమెరాలకు చిక్కింది. దానిని సామాజిక మాద్యమాల్లో అప్ లోడ్ చేయడంతో అది కాస్తా వైరల్ అయ్యింది. ఇక ఈ ఘటనకు సంబంధించిన పూర్తి వివరాల్లోకి వెళ్తే.. మధ్యప్రదేశ్ లోని మూడు అసెంబ్లీ, ఒక ఎంపీ స్థానాలకు అక్టోబర్‌ 30న ఉప ఎన్నికలు జరుగనున్నాయి. ఈ నేపథ్యంలో ఉపఎన్నికల ప్రచారాన్ని ప్రారంభించిన అక్కడి ముఖ్యమంత్రి శివరాజ్ సింగ్ చౌహాన్.. ప్రచారంలో భాగంగా చైనా పూర్ లో ఏర్పాటు చేసిన సభకు హాజరయ్యారు.

బీజేపీ అభ్యర్థుల విజయం కోరుతూ సీఎం శివరాజ్ సింగ్‌ చౌహాన్‌ ఇటీవల యాత్ర ప్రారంభించారు. ఇందులో భాగంగా సోమవారం చౌన్‌పూర్‌లో ఏర్పాటు చేసిన బహిరంగ సభలో ఆయన మాట్లాడారు. సీఎం చౌహాన్‌ తన ప్రసంగాన్ని ప్రారంభించగానే బీజేపీ నేత జగదీష్ జైస్వాల్ మైక్ లో ఆయనకు మద్దతుగా నినాదాలు ఇస్తూ కార్యకర్తలను ఉత్తేజపర్చారు. ఈ సందర్భంగా స్టేజ్‌ అంచున ఉన్న ఆయన ఆ విషయాన్ని గ్రహించక స్టేజ్‌ పైనుంచి కింద పడ్డారు. వెంటనే స్పందించిన సెక్యూరిటీ సిబ్బంది ఆయనను లేవనెత్తారు. కాగా, ఈ వీడియో సోషల్‌ మీడియాలో వైరల్‌ అయ్యింది. నెటిజన్లు దీనిపై పలు ఈమోజీలతో భిన్నంగా స్పందించారు.

कई बार राजनैतिक सभाओं में ऐसे नज़ारे भी देखने को मिलते है। video खरगोन जिले के चैनपुर की सभा का #election @BJP4MP @INCMP @shubhjournalist pic.twitter.com/LL0SD3NPf3

— Deepti Chaurasia (@deepti_32) September 28, 2021