Dubai sheik sing SP Balasubrahmanyam’s song on TikTok శ్రావ్యానందంగా ‘సిరివెన్నెల’ పాటను ఆలపించిన దుబాయ్ షేక్.!

Dubai sheik sing sp balasubrahmanyam s sirivennala movie song on tiktok

Dubai sheik, SP Balasubrahmanyam, Sirivennala, Sitharama Shastry, Nandi award, P ssheela, telugu song lover, whatsapp, TikTok, viral video, telugites

He may not speak Telugu, but this Dubai sheik was so intrigued by the language that he tried singing a SP Balasubrahmanyam song! The moment he shared the video on his TikTok account, it went viral across the world. Many Telugites began forwarding the video on WhatsApp and appreciated his love for their language.

ITEMVIDEOS: శ్రావ్యానందంగా ‘సిరివెన్నెల’ పాటను ఆలపించిన దుబాయ్ షేక్.!

Posted: 09/09/2021 10:37 AM IST
Dubai sheik sing sp balasubrahmanyam s sirivennala movie song on tiktok

తెలుగ దేలయన్న దేశంబు తెలుగేను తెలుగు వల్లభుండ తెలుగొకండ ఎల్లవారు వినగ ఎరుగవే బాసాడి దేశ భాషలందు తెలుగు లెస్స అంటూ శ్రీ కృష్ణదేవరాయలు ఏ ముహూర్తాన అన్నారో తెలియదు కానీ దేశమందే కాదు యావత్ ప్రపంచమందు తెలుగు ప్రాముఖ్యత.. తెలుగు మాట కమ్మదనం.. తెలుగు పాట తీయదనం, తెలుగు పాట గోప్పతనం ఖండాలు దాటింది.. సప్తసముద్రాల ఆవల వున్న దేశాలలో తెలుగు పాట ప్రతిధ్వినిస్తోంది. ఔనా అంటారా.. లేక ఇదేదో మంచి బీట్, చక్కని సంగీతం ప్రభావమో కావచ్చు.. లేక పాట కట్టిన కవుల కలం ప్రభావమో అంటారా. అయితే కావచ్చునేమో కానీ.. ఏకంగా సిరివెన్నెల చిత్రంలోని పాటలు పాడటం అంటే కొంత కష్టమే.

ఈ పాటలను తన కలం నుంచి జాలువార్చి.. సిరివెన్నల చిత్రాన్నే తన ఇంటపేరుగా మార్చుకునేలా గుర్తింపును తెచ్చుకున్న సీతారామశాస్త్రీ.. తెలుగు ప్రేక్షకుల మనస్సులలో ఎప్పటికీ చెరగిపోని ముద్రవేసుకున్నారు. ఆ గేయాలు పాటడం అంటే మనవాళ్లే కాసింత గొంతు సవరించుకుంటారు. కానీ గానగంధర్వుడు ఎస్పీ బాలసుబ్రహ్మణ్యం ఆ పాటలకు జీవాన్ని పోసారు. ఇలాంటి పాటలను శ్రావ్యానందంగా పాటడం కొందరికి దేవుడిచ్చిన వరం. అయితే ప్రాంతాలు, దేశాలు అందుకు అడ్డుకట్ట కాబోవని తాజాగా ఓ దుబాయ్ షేక్ నిరూపించారు.

1986లో వచ్చిన ‘సిరివెన్నెల’ సినిమా గురించి ప్రత్యేకంగా చెప్పాల్సిన పనిలేదు. ఇందులోని పాటలన్నీ ఆణిముత్యాలే. ఈ సినిమాకు పాటలు రాసిన సీతారామశాస్త్రి తన ఇంటి పేరునే ‘సిరివెన్నెల’గా మార్చుకున్నారు. ఇక ఇందులోని ‘విధాత తలపున’ అనే పాట అప్పట్లో ఎంత పాప్యులర్ అయిందో, ఇప్పుడు అంతకంటే ఎక్కువగా అది ఇంటర్నెట్‌ను చుట్టేస్తోంది. కారణం.. ఓ దుబాయ్ షేక్ ఆ పాటను ఆలపించడమే. ఆ పాటను ఏమాత్రం పొల్లుపోకుండా, లయ తప్పకుండా ఆయన చక్కగా ఆలపించారు. టిక్‌టాక్‌లో ఆయన షేర్ చేసిన వీడియో ఇతర సామాజిక మాధ్యమాలకూ పాకేసింది. ఇది చూసిన తెలుగు సినీ ప్రియులు ‘ఔరా!’ అంటున్నారు. మీరూ వినండి మరి.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh