టీనా దాబి, అథర్ ఆమిర్ ఖాన్.. గుర్తున్నారా.. వీరిద్దరూ రాజస్థాన్ క్యాడర్ ఐఏఎస్ అధికారులు. అందులో విశేషమేముంది అంటారా.? 2015లో నిర్వహించిన యూనియన్ పబ్లిక్ సర్వీస్ కమిషన్ (యూపీఎస్సీ) సివిల్స్ పరీక్షలో వీరిద్దరూ టాపర్లుగా నిలిచారు. టీనా టాపర్ అయితే.. అథర్ సెకండ్ ర్యాంకర్. అక్కడే వీరి మధ్య పరిచయం ఏర్పడింది.. స్నేహం కుదిరింది.. ద్దరి మనసులు కలిశాయి.. అది కాస్తా ప్రణయానికి దారితీసింది. దేశం గర్వించదగ్గ మతాంతర వివాహానికి వారిద్దరూ అడుగులు వేశారు. వారి కుటుంబాలు కూడా అంగీకరించాయి. మతాలు వేరైతేనేం.. అభిమతాలు ఒక్కటని చాటారు. 2018లో పరిణయంతో ఒక్కటయ్యారు.
ఏమైందో ఏమోగానీ.. రెండేళ్లకే జైపూర్ ఫ్యామిలీ కోర్టులో విడాకులకు దరఖాస్తు చేశారు. అభిమతాలు ఒక్కటని కలసిన జంట.. దేశంలోని దాదాపు 99శాతం మంది భార్యభర్తల్లో కొందరు సర్దుకుపోతుండగా, మిగతావారు ఆనందంగా గడుపుతున్నారు. అయితే ఈఐఏెఎస్ టాపర్ జంట మాత్రం వీరిందరికీ విరుద్దంగా ఎలా విడిపోతున్నారు అన్నదే మిలియన్ డాలర్ల ప్రశ్న. భార్యభర్తల బంధాన్నే సరిగ్గా నిర్వర్తించలేని వీరు ఇక ఐఏఎస్ విధులను ఎలా సక్రమంగా నిర్వహిస్తారన్న ప్రశ్నలు కూడా దేశ ప్రజల్లో ఉత్పన్నం అవుతున్నాయి, వీరు పెట్టుకున్న విడాకుల పిటీషన్ ను తాజాగా రాజస్థాన్ రాజధాని జైపూర్ కోర్టు మంజూరు చేసింది.
2018లో అతిరథమహారథులు హాజరుకాగా అంగరంగవైభవంగా జరిగిన వీరి కళ్యాణం రెండేళ్ల వ్యవధిలోనే పెటాకులైంది. అయితే వీరిద్దరి వివాహం దేశంలోని సామరస్యతకు నిదర్శమని చెప్పుకోగా మురిసిన వధూవరులు.. ఇవాళ విడాకులు మంజూరు కావడంతో ముభావంగా మారారు. 2020 నవంబర్ లో పరస్పర అంగీకారంతో వారిరువురూ విడాకులకు దరఖాస్తు చేశారని వారి కుటుంబాలు చెబుతున్నాయి. రాజస్థాన్ కేడర్ కు చెందిన వారిద్దరూ ఇన్నాళ్లూ అక్కడే విధులు నిర్వర్తించారు. విడాకుల నేపథ్యంలో కశ్మీర్ కు చెందిన అథర్ ను అక్కడికే డిప్యూటేషన్ పై పంపించారు. ప్రస్తుతం శ్రీనగర్ లో డ్యూటీ చేస్తున్నారు.
శ్రీరామ్ లేడీ కాలేజీలో డిగ్రీ చేసిన టీనా దాబి.. తొలి ప్రయత్నంలోనే సివిల్స్ ను సాధించిన తొలి దళిత మహిళగా రికార్డు సృష్టించారు. శిక్షణ సమయంలో అథర్ ఖాన్ తో ఆమెకు పరిచయం ఏర్పడింది. అదికాస్తా ప్రేమగా మారి 2018 ఏప్రిల్ లో వివాహం చేసుకున్నారు. ఆ వేడుకకు ఉపరాష్ట్రపతి, లోక్ సభ స్పీకర్, కేంద్ర మంత్రులు హాజరయ్యారు. అయితే, వారిద్దరి పెళ్లిపై నాడు వివాదం చెలరేగింది. ‘లవ్ జిహాద్’ అన్న ఆరోపణలు వెల్లువెత్తాయి. అయితే, వాటిని తాను పట్టించుకోనని, తమది మతాలకు అతీతమైన పెళ్లి అని ఆనాడు టీనా చెప్పుకొచ్చారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more