ఆ కారు.. జెండాతో తమిళనాడులో రాజకీయ వేడిని రగిలించిన శశికళ

Posted: 02/01/2021 08:33 PM IST

Sasikala discharged sends a signal from jaya s car with aiadmk flag

అక్రమాస్థుల కేసులో నాలుగేళ్ల జైలు శిక్షను పూర్తి చేసుకున్న తమిళనాడు దివంగత ముఖ్యమంత్రి జయలలిత నిచ్చెలి వికే శశికళ.. కరోనా మహమ్మారి బారిన పడి చికిత్స పూర్తి చేసుకున్న నాలుగు రోజుల తరువాత క్రితం రోజున విడుదలైన విషయం తెలిసిందే. అయితే ఆసుపత్రి నుంచి డిశ్చార్జ్ అయిన తరువాత అమె జయలలిత ట్రేడ్ మార్కుగా భావించే టోయోటా ప్రాడో వాహనంలో తరలివచ్చిన అభిమానులకు అభివాదం చేసుకుంటూ తరలివెళ్లారు. కాగా, అమె తన కారుపై అన్నాడీఎంకే పార్టీ పతాకంతో వెళ్లడం తమిళనాడులో అధికార అన్నాడీఎంకే సహా అరవ రాజకీయాలలో ప్రకంపనలు రాజేసింది.

అసుపత్రి నుంచి నేరుగా తమిళనాడుకు వెళ్లకుండా బెంగళూరు శివార్లలోని ఓ ఖైరీదైన రిసార్టులోకి వెళ్లి సేద తీరుతున్నారు. అమె తమిళనాడులో ఎప్పుడు అడుగుపెట్టాలా అనే అంశంపై కూడా ఆసక్తికర వార్తలు వినిబడుతున్నాయి. తిరువన్ణామలైకి చెందిన ఓ జ్యోతిష్యుడి సూచన మేరకు అమె భవిష్యత్ నిర్ణయాలు తీసుకోనున్నారని.. ఆయన సూచించిన గడియల్లోనే అమె తమిళనాడుకు చేరుకుంటారని తెలుస్తోంది. అమె అడుగుపెట్టడంతోనే పార్టీ అధిపత్య పగ్గాలు కూడా అందుకునేలా పావులు కదిపేందుకు కూడా అన్ని ఏర్పాట్లు చేస్తున్నారని సమాచారం.

ఇక తిరువణ్ణామళైకి చెందిన జోతిష్యుడు శశికళను ఈ నెల 3, 5, 8, 11 తేదీల్లోని ఏదో ఒక రోజున తమిళనాడులో అమెను అడుగుపెట్టాల్సిందిగా సూచించారని సమాచారం, దీంతో అమె ఆయన సూచించిన తేదీల్లో ఒక రోజు చెన్నై వెళతారని తెలుస్తోంది. ఈ తేదీల్లో వెళ్తే అంతా శుభం జరుగుతుందని జ్యోతిష్కుడు శశికళకు సూచించారట. ఆసుపత్రి నుంచి విడుదలయ్యాక బెంగళూరు లేదా హైదరాబాదులోని ఫామ్ హౌస్ లో ఆమె విశ్రాంతి తీసుకుంటారనే ప్రచారం నిన్నటివరకు జరిగింది. అయితే, ఇప్పుడామె కర్ణాటకలోని నందిహిల్స్ శివార్లలోని రిసార్ట్ కు వెళుతున్నట్టు తెలుస్తోంది.