దేశంలో 166కు చేరిన కరోనా మరణాలు.. 5734 పాజిటివ్ కేసులు

Posted: 04/09/2020 10:15 AM IST

Coronavirus in india covid 19 cases tally reaches 5734 in india 166 deaths

దేశవ్యాప్తంగా కరాళ నృత్యం చేస్తున్న కరోనా వైరస్ బారిన అనేక మంది పడ్డారు. దేశంలోనూ వేగంగా విస్తరిస్తోన్న ఈ వైరస్ 24 గంటల వ్యవధిలో మరో 460 మందిని తన భారిన వేసుకుంది. ఇప్పటికే గంట గంటకు తన బారిన పడుతున్న వారి సంఖ్యను పెంచుకుంటోంది. ఫలితంగా గురువారం ఉదయానికి దేశంలో కరోనా బాధితుల సంఖ్య 5734కి చేరిందని కేంద్ర ఆరోగ్య మంత్రిత్వశాఖ వెల్లడించింది. ఇక దేశంలో మరణాల సంఖ్య కూడా నూటయాభై మార్కు దాటిపోయింది. కాగా ఇప్పటి వరకు దేశవ్యాప్తంగా 472 మంది కొవిడ్‌-19 నుంచి కోలుకున్నారని తెలిపింది. ఈ మేరకు కేంద్ర ఆరోగ్య మంత్రిత్వశాఖ తాజాగా గణంకాలను వెలువరించింది.

గత కొన్నిరోజులుగా దేశంలో కరోనా పాజిటివ్‌ కేసుల సంఖ్య పెరుగుతోంది. దేశవ్యాప్తంగా గడిచిన 24గంటల్లో 460 కొత్త పాజిటివ్‌ కేసులు నమోదయ్యాయి. వచ్చే వారంలో ఈ కేసుల సంఖ్య భారీగా పెరిగే అవకాశం ఉందని ప్రభుత్వం అంచనా వేస్తోంది. దేశంలో అత్యధికంగా మహారాష్ట్రలో కరోనా తీవ్రత కొనసాగుతోంది. ఇప్పటివరకు ఆ రాష్ట్రంలో 1, 135 మంది కరోనాతో వైరస్ బారిన పడ్డారు. ఆ తరువాత తమిళనాడు లో 738 మంది, ఢిల్లీలో 669 మంది, తెలంగాణలో 427, రాజస్తాన్ లో 381 మంది ఈ వైరస్ బారిన పడ్డారు. ఇటు అంధ్రప్రదేశ్ లోనూ కరోనా పాజిటివ్ కేసుల సంక్య 348కి చేరిందని కేంద్ర అరోగ్యశాఖ తాజాగా వెల్లడించింది.

దేశవ్యాప్తంగా గత 24గంటల్లో కొత్తగా 17 మరణాలతోపాటు పాజిటివ్‌ కేసులు భారీగా నమోదయ్యాయి. రానున్నరోజుల్లో ఈ కేసుల సంఖ్య మరింత పెరిగే అవకాశం ఉందని ప్రభుత్వం అంచనా వేస్తోంది. దేశంలో అత్యధికంగా మహారాష్ట్రలో కరోనా తీవ్రత కొనసాగుతోంది. ఇప్పటివరకు దేశంలోనే అత్యధికంగా ఆ రాష్ట్రంలో 72మంది మృత్యువాతపడగా.. పాజిటివ్‌ కేసుల సంఖ్య 1135కి చేరింది. ఆ తరువాత మరణాల సంఖ్య గుజరాత్ లో 16కు చేరగా, మధ్యప్రదేశ్ లో 13కు చేరింది. ఢిల్లీలో 9, పంజాబ్ లో 8, తమిళనాడులోనూ 8, కర్ణాటకలో ైదు, పశ్చమ బెంగాల్ లో 5 మరణాలు సంభవించాయి,