Another NBW case on Galla Jayadev టీడీపీ ఎంపీ గల్లా జయదేవ్ పై మరో కేసు..

Yet another non bailable case against galla jayadev tdp outrages over false cases

Galla Jayadev detained, Guntur Sub Jail, Galla Jayadev, Guntur MP, Another Case, another case on Galla Jayadev, Amaravati JAC, Mangalagiri magistrate, AndhraPradesh Assembly, Amaravati, three capital, State Assembly, joint action committee, YS Jagan, Capitals, Visakhapatnam, kurnool, committee report, executive capital, legislative capital, judicial capital, Vijayawada, farmers, Andhra Pradesh, Politics

Yet another case has been reportedly filed by the police against Guntur MP Galla Jayadev under crime number 31 with same sections. The case has been registered on the complaint lodged by AR constable Gajjala Harish of Anantapur district.

టీడీపీ ఎంపీ గల్లా జయదేవ్ పై మరో ఎన్బీడబ్యూ కేసు..

Posted: 01/24/2020 03:33 PM IST
Yet another non bailable case against galla jayadev tdp outrages over false cases

టీడీపీ నేత, గుంటూరు లోక్ సభ సభ్యుడు గల్లా జయదేవ్ పై మరో నాన్ బెయిలబుల్ కేసు నమోదైంది. రాజధాని తరలింపు.. సీఆర్డీఏ రద్దు, మూడు రాజధానుల ఏర్పాటుపై అసెంబ్లీలో బిల్లును ప్రవేశపెట్టిన రోజున వాటిని వ్యతిరేకిస్తూ అమరావతి జేఏసీ ఇచ్చిన ఛలో అసెంబ్లీ పిలుపుమేరకు పోలీసుల అంక్షలు, భద్రతను దాటుకుంటూ ఏకంగా అసెంబ్లీ వరకు జేఏసీ నాయకులతో కలసి చేరుకున్న ఆయనపై మరో కేసును కూడా పోలీసులు నమోదు చేశారు. ఈ కేసులోనూ ఆయనను అరెస్టు చేసి న్యాయస్థానంలో హాజరుపర్చేందుకు పోలీసులు అయనను అదుపులోకి తీసుకునేందుకు ప్రయత్నిస్తున్నారు.

కాగా అసెంబ్లీ ముట్టడి రోజున గల్లాను పోలీసులు అరెస్ట్ చేసి, పలు పోలిస్ స్టేషన్లు తిప్పి.. చివరకు అర్థరాత్రి ఆయనను మెజిస్ట్రేటు ఎదుట హాజరుపర్చి.. ఉదయాన్నే గుంటూరు సబ్ జైలుకు తరలించగా, అదే రోజు న్యాయస్థానం బెయిల్ మంజూరు చేయడంతో విడుదలైన విషయం తెలిసిందే. కాగా మరోమారు గల్లా, ఆయన అనుచరులు చిట్టి బాబు, వినయ్, దామోదర్ చౌదరి తదితరులపై కొంతమంది కానిస్టేబుళ్లు ఇచ్చిన ఫిర్యాదుపై తుళ్లూరు పీఎస్ లో క్రైమ్ నంబర్ 31/2020 నమోదైంది. రెడ్ విత్ 149తో పాటు ఐపీసీలోని 143, 188, 353, 324, 332 తదితర సెక్షన్ల కింద కేసు నమోదైంది.

గల్లా జయదేవ్ బందోబస్తు విధుల్లో ఉన్న తమపై దౌర్జన్యానికి ప్రేరేపించారని గుంటూరు జిల్లా దుర్గి మండలం ముటుకూరు హెడ్ కానిస్టేబుల్ పెరంబదూరి వేణుగోపాలస్వామి ఫిర్యాదు చేశాడు. తమను నెట్టుకుంటూ అసెంబ్లీ వైపు వెళ్లేందుకు ప్రయత్నించారని, దీంతో అవే సెక్షన్ల కింద క్రైమ్ నంబర్ 31గా రెండో కేసును పెట్టినట్టు పోలీసు వర్గాలు వెల్లడించాయి. ఆందోళనకారులు గుంపుగా వచ్చి సచివాలయం లోపలికి వెళ్లేందుకు ప్రయత్నించిన వేళ, వారిని వెనక్కు పంపేందుకు తాము ప్రయత్నిస్తుండగా, వీళ్లను రాళ్లతో కొట్టాలంటూ, కొందరు రాళ్లు విసిరారని, వాటిల్లో ఒకటి తన కుడి కంటి పైభాగంలో తగిలిందని ఏఆర్ కానిస్టేబుల్ గజ్జల హరీశ్ ఫిర్యాదు చేశారు.

గాది లింగం అనే మరో కానిస్టేబుల్ కు నుదుటిపైనా, రాజమండ్రికి చెందిన నాగరాజు, వీరప్పనాయక్ అనే పోలీసులకు ఇతర చోట్ల గాయాలు అయ్యాయని, ఇక్కడి తీవ్రతను గమనించిన ఫోర్స్, తమను రక్షించిందని తన ఫిర్యాదులో పేర్కొన్నాడు. ఆపై తాము విచారించగా, గల్లా జయదేవ్ తో పాటు మరికొందరు దాడి చేసినట్టు వెల్లడైందని అన్నారు. ఇక ఈ కేసులో జయదేవ్ ను అదుపులోకి తీసుకునేందుకు పోలీసులు గాలిస్తున్నారు. ఇదే సమయంలో ప్రజా ప్రతినిధులపై తప్పుడు కేసులు బనాయిస్తున్నారని టీడీపీ వారు ఆరోపించారు.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh