హీరోయిన్ అమలాపాల్ కు పితృ వియోగం

Posted: 01/22/2020 03:28 PM IST

హీరోయిన్‌ అమలాపాల్‌ ఇంట పెను విషాదం అలుముకుంది. అమె తండ్రి పౌల్‌ వర్గీస్‌ కన్నుమూశారు. గత కొంతకాలంగా అనారోగ్యంతో బాధపడుతున్న ఆయన కోచ్చిలోని ఓ ప్రైవేటు అసుపత్రిలో చికిత్స పోందుతూ మరణించారు. ఆయనను సజీవంగా వుంచేందుకు వైద్యులు ఎంతో శ్రమించినా.. ఆయన శరీరం స్పందించకపోవడంతో కన్నుమూశారు. ఆయన పరమపదించిన వార్త తెలిసిన అమలాపాల్ హుటాహుటిన కొచ్చికి చేరకుని తన తండ్రి బౌతికఖాయం వద్ద కూర్చోని కన్నీళ్ల పర్యంతమవుతూనే.. తన తల్లిని ఓదార్చారు.

తన తాజా చిత్రం ‘అదో అంద పరవై పోల’ సినిమా ప్రమోషన్‌ కార్యక్రమాల్లో బిజీగా ఉంది. అందుకోసం అమె సినిమా ట్రైలర్‌ లాంచ్‌ వేడుకకు చెన్నై విచ్చేసింది. ఈ సమయంలో తన తండ్రి మృతి చెందారన్న విషయాన్ని అమె వ్యక్తిగత సహాయకుడు సమాచారం అందించడంతో.. అమె  హుటాహుటిన కేరళలోని తన స్వస్థలానికి పయనమైంది. అప్పటికే దు:ఖసాగరంలో మునిగిన తల్లిని ఓదార్చింది. కేరళలోని కురుప్పంపాడిలోని సెయింట్‌ పౌల్‌ క్యాథలిక్‌ చర్చిలో మధ్యాహ్నం అంత్యక్రియలు నిర్వహించనున్నారు.

పాల్ వర్గీస్ మృతి పట్ల పలువురు ప్రముఖులు సంతాపం తెలిపారు. కుటుంబసభ్యులకు ప్రగాఢ సానుభూతిని వ్యక్తం చేశారు. ఇక అమలాపాల్‌ సినిమాల్లోకి రావటం ఆమె తండ్రికి అస్సలు నచ్చేది కాదట. కానీ కుటుంబ సభ్యులు, బంధువులు అతన్ని ఒప్పించడంతో అమల సినిమాల్లో నటించేందుకు అడ్డు చెప్పలేదట. అలా అమల ‘నీలతామర’ అనే మలయాళ చిత్రంతో వెండితెరపై అడుగుపెట్టింది. ఆ తర్వాత పలు స్టార్‌ హీరోల సరసన నటించే అవకాశాన్ని కొట్టేసింది. ఇటీవల అమె నటించిన అమె చిత్రం ఘనవిజయాన్ని అందుకుంది.