అమరావతి తుళ్లూరులో విషాదం.. గుండెపోటుతో రైతు మరణం

Posted: 01/04/2020 08:26 PM IST

Protesting farmer dies of heart attack in andhra pradesh to be capital amaravati

ఆంధ్రప్రదేశ్ రాష్ట్ర రాజధానిగా అమరావతినే కొనసాగించాలన్న డిమాండ్ తో గత పద్దెనిమిది రోజులుగా చేస్తున్న నిరసన కార్యక్రమాల్లో ఓ రైతు కుటుంబంలో విషాదాన్ని నింపింది. సకల జనుల సమ్మెలో భాగంగా 17వ రోజున మందడంలో పోలీసులు మహిళలు, రైతులపై దౌర్జన్యం చేశారని ఇవాళ అమరావతి బంద్ కు పిలుపునివ్వగా, ఆ పిలుపులో పాల్గోనేందుకు సిద్దం కావాలన్న రైతు ఇవాళ అసువులు బాసాడు.

అమరావతి పరిసర గ్రామాల్లోని రైతులతో కలసి నిన్న సకలజనుల సమ్మెలో పాల్గోన్న రైతు.. అమరావతి నుంచి రాజధానిని విశాఖకు తరలిస్తామన్న సంకేతాలు వెలువడిన నాటి నుంచి కొంత అందోళనకరంగానే వున్నాడని.. తనకున్న పోలాన్ని ల్యాండ్ పుల్లింగ్ ద్వారా ప్రభుత్వానికి ఇచ్చిన రైతు అప్పటి నుంచి చురుగ్గా నిరసన కార్యక్రమాలను కూడా కొనసాగిస్తూ వాటిలో పాల్గోన్నాడని స్థానికులు తెలిపారు. కాగా ఇవాళ ఆయన తీవ్రమైన మానసిక అందోళనకు గురైన ఆయన గుండెపోటుతో మరణించాడు.

వివరాల్లోకి వెళ్తే.. తుళ్లూరు మండలం దొండపాడుకు చెందిన మల్లికార్జునరావు అనే రైతు గుండెపోటుతో ప్రాణాలు విడిచాడు. అప్పటి ప్రభుత్వం రాజధాని కోసం చేసిన ల్యాండ్ పూలింగ్‌‌కి సదరు రైతు 10 ఎకరాలు ఇచ్చినట్టు సమాచారం. రాజధాని తమ ప్రాంతం నుంచి తరిలిపోతోందన్న భయంతో.. గత 17 రోజులుగా జరుగుతోన్న ఆందోళనల్లో ఆయన చురుకుగా పాల్గొంటున్నట్లు తెలుస్తోంది. రైతు మృతితో తుళ్లూరు మండల రైతులు, మహిళలు కాసేపు మౌనం పాటించారు. కాగా రైతు మృతికి గవర్నమెంట్ బాధ్యత వహించాలని జాయింట్ యాక్షన్ కమిటీ డిమాండ్ చేస్తోంది.