Farmer attempts suicide in Andhra Pradesh ఎమ్మార్వో కార్యాలయంలో రైతు ఆత్మహత్యాయత్నం

Farmer attempts suicide in kadapa district of andhra pradesh

Jagan Mohan Reddy, ysr kadapa district, Bukkapatnam, Kondapuram, Adinarayana, Land Issue, Court, AP CM YS Jagan, Chief Minister, MRO, DKT land, fake passbook, Andhra Pradesh, Politics

A farmer from Andhra Pradesh chief minister own district YSR cadappah attempted suicide in MRO office demanding to resolve his land problem and issue a passbook on her mother's name, This incident is followed by Telangana Abdullapurmet MRO had created tension in AP revenue employees.

భూమి కోసం ఎమ్మార్వో కార్యాలయంలో రైతు ఆత్మహత్యాయత్నం

Posted: 11/06/2019 11:21 AM IST
Farmer attempts suicide in kadapa district of andhra pradesh

తెలంగాణలో అబ్దుల్లాపూర్ మెట్ తహసీల్దార్ కార్యాలయంలో తన భూమి సమస్యను పరిష్కారించాలని డిమాండ్ చేస్తూ ఓ రైతు ఎమ్మార్వో విజయారెడ్డిపై పెట్రోల్ పోసి అత్యంత పాశవికంగా సజీవ దహనం చేసిన ఘటనను మర్చిపోకముందే.. పోరుగు తెలుగు రాష్ట్రమైన ఆంధ్రప్రదేశ్ లోనూ ఓ రైతు తహసీల్దార్ కార్యాలయంలో కిరోసిన్ పోసుకుని అత్మహత్యకు పాల్పడిన ఘటన రెండు తెలుగు రాష్ట్రాల్లో తీవ్ర కలకలం రేపింది. స్వయంగా ముఖ్యమంత్రి వైఎస్ జగన్ సొంత జిల్లా వైఎస్సార్ కడపలోని కొండాపురంలో జరిగిన ఈ ఘటన సంచలనంగా మారింది.

కొండాపురంమండలంలోని దత్తాపురంకు చెందిన బుడిగ ఆదినారాయణ తన భూమికి సంబంధించి సమస్యపై ఎమ్మార్వో ఆఫీసుకు వెళ్లాడు. ఎన్నో పర్యాయాలు తన భూసమస్యను పరిష్కరించాలని కోరుతూ రెవెన్యూ కార్యాలయం చుట్టూ తిరుగుతున్నానని, అయినా తన సమస్య అపరిష్కృతంగానే వుందని అవేశానికి లోనైన ఆయన తన వెంట తెచ్చుకున్న పెట్రోలు ఒంటిపై పోసుకొని నిప్పటించుకునే ప్రయత్నం చేశాడు. వెంటనే చుట్టు పక్కల ఉన్న జనాలు అడ్డుకొని ఆపారు.. అతడ్ని బయటకు తీసుకొచ్చి నీళ్లు పోయడంతో ప్రమాదం తప్పింది. తన భూమికి సంబంధించిన సమస్యపై ఎమ్మార్వోను కలిసినా ఫలితం లేకపోవడంతో ఆత్మహత్యాయత్నం చేసినట్లు బాధితుడు చెబుతున్నాడు

కొండాపురం మండలంలోని బుక్కపట్నంలో ఆదినారాయణ కుటుంబానికి 122 సర్వేనంబర్ లో 10.94 ఎకరాల డీకేటీ భూమి ఉంది. ఈ భూమిలో 3.50 ఎకరాలు అదే గ్రామానికి చెందిన నరసింహ అనే వ్యక్తి గండికోట ప్రాజెక్టు కింద ముంపు పరిహారం అందుకున్నాడు. ఇక మిగిలిన భూమిపై చాలా ఏళ్లగా వివాదం నడుస్తోంది. ఈ భూమిలో 3.5 ఎకరాలు తన తండ్రి పేరు మీద ఉందని దానిని తన తల్లి పేరుకు మార్చాలని అధికారుల్ని కలిసి వినతిపత్రం ఇచ్చాడు.. కోర్టును ఆశ్రయించాడు. 1989 నుంచి ఆ భూమి తన తండ్రి పేరుపై ఉందని చెబుతున్నాడు. తన సమస్యపై ఎమ్మార్వో స్పందించకపోవడంతో ఆత్మహత్యాయత్నం చేసినట్లు చెబుతున్నాడు.

ఇదిలా ఉంటే ఆదినారాయణ తెలంగాణ అబ్దుల్లాపూర్ మెట్ మండలంలో జరిగిన ఘటనను అసరాగా చేసుకుని పక్కా పథకం ప్రకారం ఇలా చేశాడని రెవెన్యూ కార్యాలయం సిబ్బంది అరోపిస్తున్నారు. ఆదినారాయణ చెబుతున్న భూమికి సంబంధించిన కేసు కోర్టు పరిధిలో ఉందని తహశీల్దార్‌ చెబుతున్నారు. అది డీకేటీ భూమి అని.. ఆ భూమికి ఆదినారాయణ నకిలీ పాసు పుస్తకం తయారు చేసుకున్నాడంటున్నారు. ఆ పొలంపై ఆదినారాయణకు ఎలాంటి హక్కులు లేకున్నా అధికారులను బెదిరిస్తున్నట్లు రెవెన్యూ అధికారులు చెప్పుకొచ్చారు. అందుకే ఆ భూమిని ఆన్ లైన్ చేయలేదని వివరణ ఇచ్చారు.

If you enjoyed this Post, Sign up for Newsletter

(And get your daily news straight to your inbox)

Other Articles

Today on Telugu Wishesh