పరమపదించిన పల్నాటి పులి..కొడెల శివప్రసాద్..

Posted: 09/16/2019 12:51 PM IST

ఆంధ్రప్రదేశ్ మాజీ స్పీకర్ కోడెల శివప్రసాదరావు ఆత్మహత్యాకు పాల్పడటం తీవ్ర కలకలం రేపుతోంది. హైదరాబాద్ లోని తన నివాసంలో ఆయన ఉరి వేసుకుని ఆత్మహత్యాయత్నానికి పాల్పడగా, ఈ విషయం తెలుసుకున్న కుటుంబీకులు హుటాహుటిన బసవతారకం ఆసుపత్రికి తరలించారు. ఆయన్ను ఐసీయూలో ఉంచిన వైద్యులు అత్యవసర చికిత్సను అందిస్తున్నారు. శ్వాస తీసుకోవడంలో ఆయన ఇబ్బందులు పడిన ఆయనను వెంటిలేటర్ పై వుంచి చికిత్సను అందించారు వైద్యులు.

ఆయన ఆరోగ్య పరిస్థితి తీవ్ర విషమంగా ఉన్నట్టు అప్పటికే సమాచారం అందించిన వైద్యులు ఆయనను కాపాడేందుకు అన్ని ప్రయత్నాలు చేశారు. చిరవకు వైద్యులు చేసిన ప్రయత్నాలన్నీ విఫలమై కొడెల శివప్రసాద్ చికిత్స పోందుతూనే తుదిశ్వాస విడిచారు. గుంటూరు జిల్లా రాజకీయాల్లో తిరుగులేని నేతగా, ప్రజలకు సుపరిచితుడైన వైద్యుడిగా ముద్ర వేసుకున్న కోడెల శివప్రసాదరావు, ఆకస్మిక మరణం ఆయన అనుయాయువులను, అనుచరులను తీవ్ర దిగ్భ్రాంతికి గురించేసింది

గత కొన్ని రోజులుగా, తనపై తప్పుడు ప్రచారం జరుగుతోందని, పరువు తీయాలని చూస్తున్నారని కోడెల ఆరోపిస్తూ వస్తున్న సంగతి తెలిసిందే. ఈ క్రమంలో ఆయన వైసీపీ నేతలకు విన్నతి కూడా చేశారు. ముఫ్పై ఏళ్లుకు పైగా రాజకీయాలలో వున్నానని.. ఎన్నో పదవులు అలకరించానని, అలాంటి తాను ప్రతిపక్షంలో వుంటే తనపై కక్షపూరిత రాజకీయాలు చేసి.. కేసులు బనాయించడం సముచితం కాదని కూడా కోరారు. ముఖ్యంగా అసెంబ్లీ ఎన్నికల్లో ఓడిపోయిన తరువాత కోడెల కుమార్తె, కుమారుడిపై పలు ఆరోపణలు వచ్చాయి. అసెంబ్లీ ఫర్నీచర్ ను సొంతానికి వాడుకున్నట్టుగా కోడెలపైనా ఆరోపణలు వెల్లువెత్తాయి.

ఈ నేపథ్యంలో తీవ్ర మనస్తాపానికి గురైన కోడెల, ఇంతటి ఘోరమైన నిర్ణయం తీసుకుని ఉంటారని ఇంటి సభ్యులు విలపిస్తూ చెప్పారు. ఆయన కోలుకుని తిరిగి రావాలని ఆకాంక్షించారు. ప్రస్తుతం కోడెలకు చికిత్స జరుగుతుండగా, ప్రస్తుతానికి ఏమీ చెప్పలేమని ఆసుపత్రి వైద్య వర్గాలు వెల్లడించాయి. ఇక కోడెల ఉరి వేసుకుని సూసైడ్ అటెంప్ట్ చేశారని తెలుసుకున్న ఆయన అభిమానులు, పలువురు తెలుగుదేశం నేతలూ, ఆసుపత్రి వద్దకు చేరుకుంటున్నారు.