ITEMVIDEOS: మోడీ..మోడీ నినాదాల బ్రేక్.. బీజేపి కార్యకర్తలకు ప్రియాంక గాంధీ షేక్ హ్యాండ్

Posted: 05/14/2019 01:04 PM IST

లోక్ సభ ఎన్నికల ప్రచారంలో పాల్గొంటున్న కాంగ్రెస్ ప్రధాన కార్యదర్శి ప్రియాంకా గాంధీ.. తమ పార్టీకి పూర్వ వైభవం తీసుకువచ్చేందుకు అందివచ్చిన అన్ని అవకాశాలను చక్కగా వాడుకుని ప్రత్యర్థి పార్టీల కార్యకర్తల మనన్నలను కూడా అందుకుంటున్నారు. ఇప్పటికే తనకు తన పార్టీ అభిమానులకు మధ్య అడ్డుగా వున్న బ్యారికేడ్లను సైతం దూకి అభిమానుల గొంతు వినిపించుకున్నారు. వారిలో కొందరితో కరాచలనం చేసిన అమెను ఇందిరాగాంధీని మించిన నాయకురాలిగా అభివర్ణిస్తున్నారు కాంగ్రెస్ కార్యకర్తలు.

అలాంటి నాయకురాలికి చేధు అనుభవం కల్పించాలని బీజేపి కార్యకర్తలు భావించారు. అయితే దానిని కూడా అమె తనకు అనుకూలంగా మార్చుకుని హుందాగా నడుచుకోవడంతో.. ప్రత్యర్థి పార్టీ కార్యకర్తలు కూడా అమె చతురత ముందు సలామ్ చేయక తప్పలేదు. ఈ ఘటన మధ్యప్రదేశ్ లోని ఇండోర్ లో జరిగింది. ఇండోర్ లో ఎన్నికల ప్రచారం సందర్భంగా ప్రియాంకా గాంధీ బహిరంగ సభలో పాల్గొనేందుకు వెళుతున్నారు. దీంతో ఆమె కాన్వాయ్ వెళ్లే మార్గంలో కొందరు బీజేపీ కార్యకర్తలు గుమిగూడారు. ప్రియాంక అటుగా రాగానే ‘మోదీ.. మోదీ.. మోదీ’ అని నినాదాలు ఇవ్వడం మొదలుపెట్టారు.

దీన్ని గమనించిన ప్రియాంక సెక్యూరిటీ సిబ్బంది సాయంతో కారు దిగారు. అనంతరం వారి వద్దకు చిరుమంద హాసంతో నేరుగా వెళ్లిన ప్రియాంక గాంధీ.. వారితో కరాచలనం చేశారు. అమె తమ వద్దకు వస్తుండటంతో కొంత అందోళనకు గురైన బీజేపి కార్యకర్తలు.. అమె నవ్వుతూ తమ చెంతకు వస్తుండటం గమనించి గుండె నిబ్బరం చేసుకున్నారు. ఇక మరో అడుగులో తమ చెంతకు చేరుకుంటారన్న తరుణంలో అమె బీజేపి కార్యకర్తలతో కరాచలనం కోసం చేయి చాచారు. దీంతో వారు అమెతో కరాచలనం చేశారు. ఇలా ప్రత్యర్థి పార్టీల నేతలను కూడా అమె ప్రభావితం చేశారు.

దీంతో సడన్ గా కాన్వాయ్ నుంచి దిగి మోడీ మద్దతుదారుల దగ్గరకు వెళ్లి వారికి షేక్ హ్యాండ్ ఇచ్చి సర్ ప్రైజ్ చేసిన ప్రియాంక.. మీరు ఎక్కడ ఉన్నారో అక్కడే ఉండండి..నేను ఎక్కడ ఉన్నానో అక్కడే ఉంటా అంటూ వారికి ప్రియాంక ఆల్ ది బెస్ట్ చెప్పారు. ఇలా ప్రత్యర్థి పార్టీల కార్యకర్తలను కూడా తమ వైపుకు మళ్లించుకునే సత్తా వున్న నాయకురాలిగా ఇప్పుడు కాంగ్రెస్ పార్టీ కార్యకర్తలు అమెను కొనియాడుతున్నారు. ఇంధిరాగాంధీలోని నాయకత్వ లక్షణాలు, ప్రత్యర్థులను చిత్తు చేయగల రాజకీయ చతురత అమెలో పుష్కలంగా వున్నాయని ప్రశంసిస్తున్నారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో చక్కర్లు కొడుతోంది.

The Magnanimous @priyankagandhi
Watch what happens when people shout "Modi Modi" at her convoy.pic.twitter.com/R9bn7Aa4v1

— Zainab Sikander (@zainabsikander) May 13, 2019