నిప్పుల కిలిమి.. 45 డిగ్రీలు దాటిన ఉష్ణోగ్రతలు.. వడగాల్పుల హెచ్చరికలు

Posted: 04/27/2019 12:51 PM IST

Heat wave warning issued in parts of telangana for next 48 hours

తెలంగాణవాసులు అప్రమత్తంగా ఉండాలని భారత వాతావరణ శాఖ అధికారులు హెచ్చరికలు జారీ చేశారు. రానున్న రెండు రోజులు ఏప్రిల్ 28, 29 తేదీలు అత్యంత వేడిమితో కూడుకున్న రోజులని వాతావరణ శాఖ హెచ్చరికలను జారీ చేసింది. ఇప్పటికే తెలంగాణలో అత్యధిక ఉష్ణోగ్రతలు నమోదవుతున్నాయి. యావత్ తెలంగాణ మిప్పులు కోలిమిలా కుతకుత ఉడుకుతోంది. ఇక ఏప్రిల్ లోని ఈ రెండు రోజులు మరింతగా ఎండలు మండుతాయని, దీనికి తోడు వడగాల్పులు కూడా వీచే అవకాశముందని పేర్కోన్నారు.

తెలంగాణలోని కరీంనగర్, రామగుండం, నిజామాబాద్, అదిలాబాద్ జిల్లాల్లో పగటి ఉష్ణోగ్రతలు ఏకంగా 45 డిగ్రీలకు చేరుకోవడంతో హైదరాబాద్ వాతావరణ కేంద్రం హెచ్చరికలు జారీ చేసింది. శుక్రవారం అత్యధికంగా నిజామాబాద్ జిల్లా కోరట్‌పల్లి, మంచిప్పలలో 45.5 డిగ్రీల ఉష్ణోగ్రత నమోదైంది. మోర్తాడ్‌లో 45.3 డిగ్రీలు, లక్ష్మాపూర్‌, ఆదిలాబాద్‌ జిల్లా బేల, జైనథ్‌లో 45.4 డిగ్రీలు, నిజామాబాద్‌లో 44.7 డిగ్రీలు, రామగుండంలో 44 డిగ్రీలు, ఆదిలాబాద్‌లో 43.8 డిగ్రీలు, హైదరాబాద్‌లో 41.2 డిగ్రీలు నమోదైంది.

నిజానికి వాతావరణ శాఖ నిబంధనల ప్రకారం.. పగటి ఉష్ణోగ్రత 45 డిగ్రీలుగా నమోదైతే వడగాలులు వీస్తున్నట్టే లెక్క. దీంతో అధికారులు హెచ్చరికలు జారీ చేశారు. ఉష్ణోగ్రతలు మరింత పెరిగే అవకాశం ఉందని, ప్రజలు అప్రమత్తంగా ఉండాలని సూచించారు. ఎంతో అవసరమైతే తప్ప ఎండలో బయటకు రావొద్దని సూచించారు. అత్యవసర పరిస్థితుల్లో బయటకు రావాల్సి ఉంటే తగిన జాగ్రత్తలు తీసుకోవాలని సూచిస్తున్నారు. ఇక దీనికి తోడు ఎండలో బయలకు వెళ్లే వారు నీరు అధికంగా తీసుకోవాలని వడగాల్పుల బారిన పడకుండా జాగ్రత్తులు కూడా పాటించాలని అధికారులు సూచిస్తున్నారు.