కోడలితో అక్రమసంబంధం.. కన్నకోడుకుపై దారుణం..

Posted: 04/03/2019 06:22 PM IST

మానవీయ సంబంధాలన్నీ మనీ సంబంధాలే అన్న రోజులు పోయాయి. వావివరసలు లేని రోజులోచ్చాయి. ఆ మధ్య పిన్నితో అక్రమసంబంధ నెరుపుతున్న ఘటన వెలుగులోకి వస్తే.. తాజాగా కోడలితో వివాహేతర సంబంధం పెట్టుకున్న ఓ మామ, తమ సంబంధానికి అడ్డుగా వున్నాడని కన్న కొడుకును అతిదారుణంగా హత్య చేసిన ఘనుడు వైనం పోలీసులు విచారణలో బట్టభయలైంది. దేశవ్యాప్తంగా సంచలనం క్రియేట్ చేసిన ఈ సంఘటన పంజాబ్ రాష్ట్రంలో వెలుగుచూసింది.

పంజాబ్ రాష్ట్రంలోని ఫరీదాకోట్ ఏరియాకు చెందిన 60 ఏళ్ల చోటా సింగ్ అనే వ్యక్తికి ముగ్గురు కొడుకులు, ఓ కూతురు ఉన్నారు. పెద్ద కొడుకు రాజ్వీందర్ సింగ్ కు 12 ఏళ్ల క్రితం పెళ్లైంది. భార్య జస్వీర్ కౌర్‌తో పాటు ఇద్దరు పిల్లలతో కలిసి నివాసం ఉంటున్నాడు రాజ్వీందర్ సింగ్. తన తండ్రిని తనతో పాటు తన ఇంట్లో కొన్నాళ్లు ఉంచుకునేందుకు తండ్రిని ఇంటికి తీసుకొచ్చాడు రాజ్వీందర్ సింగ్. అయితే అతనికి తెలియదు అదే ఆయన చేసిన పెద్ద పోరబాటు అవుతుందని. అదే జరిగింది. ఏకంగా తన ప్రాణాలనే తీసేంత దారుణమే జరిగింది.

కొడుకు ఆఫీసుకు వెళ్లిన సమయంలో కోడలు జస్వీర్ కౌర్ తో ఇంట్లో ఒంటరిగా ఉంటూ ఇంటి పనులు చూసుకుంటున్న క్రమంలో అమెను దగ్గరయ్యాడు చోటా సింగ్... కొడుకు భార్యను కామదృష్టితో చూడకూడదన్న ఇంకితాన్ని మర్చిన అతను అమెను లొంగదీసుకున్నాడు. ఇద్దరు శారీరికంగా ఒక్కటయ్యారు. అయితే కొన్నాళ్లకు మామా-కోడళ్ల మధ్య కొనసాగుతున్న ఆ సంబంధాన్ని రాజ్విందర్ సింగ్ గుర్తించాడు. తండ్రిని ఏమనాలో తెలియక.. తన భార్యను హెచ్చరించాడు. అంతేకాదు తన తండ్రిని తన ఇంటి నుంచి తన తమ్ముడి ఇంటికి పంపిస్తానని కూడా చెప్పాడు.

దీంతో తమ సంబంధానికి అడ్డు వస్తున్నాడని భావించిన తండ్రి.. తన కన్న కొడుకునే హతమార్చాలని ఫిక్స్ అయ్యాడు. రాత్రి పడుకున్న తర్వాత రాజ్వీందర్ సింగ్ పై కత్తితో దాడి చేసి.. శవాన్ని ముక్కలు ముక్కలు చేసి బ్యాగులో పెట్టాడు. దాన్ని స్థానికంగా వున్న డ్రైనేజీలో వేయడానికి చోటా సింగ్, జస్వీర్ తో కసలి వెళ్లాడు. అదే సమయంలో ఆయన కూతురు కుమారుడు హతుడి మేనల్లుడు వచ్చాడు. గదిలో రక్తం చూసి, కంగారు పడి పోలీసులకు సమాచారం అందించాడు. సంఘటనా స్థలానికి చేరుకున్న పోలీసులు... చోటాసింగ్ ను తమదైన శైలిలో నిలదీయగా విషయం బయటికి వచ్చింది. ఇద్దరినీ అరెస్ట్ చేసిన పోలీసులు దర్యాప్తు చేస్తున్నారు.