చెక్ బౌన్స్ కేసులో మోహన్ బాబుకు షాక్.. ఏడాది జైలు...

Posted: 04/02/2019 01:38 PM IST

ప్రముఖ సినీ నటుడు, వైసీపీ నాయకుడు మోహన్ బాబుకు హైదరాబాదులోని ఎర్రమంజిల్ కోర్టు షాకిచ్చింది. ఆయనుకు ఏడాది కాలం పాటు జైలు శిక్ష విధిస్తూ తీర్పును వెలువరించింది. మోహన్ బాబుపై గతంలో దాఖలైన చెక్ బౌన్స్ కేసులో ఇవాళ తుది తీర్పును వెలువరించిన న్యాయస్థానం ఆయనకు ఏడాది జైలు శిక్షను విధించింది. దీనికితోడు రూ. 41.75 లక్షల జరిమానాను కట్టాలని అదేశాలను జారీ చేసింది.

సినీ దర్శకనిర్మాత వైవీఎస్ చౌదరి మోహన్ బాబుపై ఈ చెక్ బౌన్స్ కేసును వేశారు. 2010లో ఈ అంశానికి సంబంధించి కోర్టును ఆశ్రయించారు. కేసులో ఏ1గా లక్ష్మీ ప్రసన్న పిక్చర్స్, ఏ2గా మోహన్ బాబు ఉన్నారు. మొత్తం రూ. 48 లక్షల చౌక్ బౌన్స్ కు సంబంధించి కోర్టును వైవీఎస్ ఆశ్రయించినట్టు సమాచారం. దీనికి సంబంధించి మరిన్ని వివరాలు తెలియాల్సి ఉంది. మరోవైపు, ఈ అంశంపై మంచు ఫ్యామిలీ ఇంత వరకు స్పందించలేదు.