నేలపైనే కాదు.. నింగిలో కూడానా.. నిద్రిస్తున్న యువతిపై..

Posted: 02/02/2019 03:21 PM IST

Man held for sexual assault on young woman on board

పురుషాధిక్య సమాజంలో ఆడది అంగడి వస్తువుగా మారుతుంది. మహిళలు, యువతులు, పిల్లలు అన్న తేడా లేకుండా వారిపై అఘాయిత్యాలు జరుగుతూనే వున్నాయి. బుగ్గ చిదిమితే పాలుగారే చిన్నారులను చూసినా మగమృగాలు వారిపై తెగబడుతున్నారు. మహిళలకు ఎక్కడికెళ్లిన వారి భద్రతే ప్రశ్నార్థకంగా మారుతొంది. స్కూలుకెళ్లినా, కాలేజీకెళ్లినా, మార్కెట్ కెళ్లినా.. వారు తిరిగివచ్చే వరకు ఇంట్లోకి వారికి అందోళన మాత్రం తప్పదు. అలా తయారయ్యాయి పరిస్థితులు.

ఇక ఎక్కడైనా వారు ఒంటరిగా వున్నారని తెలిస్తే పది మందికి మంచిచెడులు చెప్పేవాడు కూడా అఘాయిత్యాలకు పాల్పడుతూ అడ్డంగా బుకవుతున్నారు. నింగిపైనే కాదు ఆకాశంలో విహరించినా వారి బుద్ది మాత్రం గడ్డి కరుస్తుంటుంది. నింగి నేలా నీరు అన్న తేడా లేకుండా మహిళకు భద్రత కరువువుతుంది. తాజాగా బెంగళూరు-హైదరాబాద్ విమానంలో ఓ వ్యక్తి తనను లైంగికంగా వేధించినట్లు యువతి పోలీసులకు ఫిర్యాదు చేసింది.

బెంగళూరు నగరంలో పీజీ చదువుతున్న 25 ఏళ్ల యువతి భోపాల్ నుంచి హైదరాబాదుకు వచ్చింది. విమానంలో విద్యార్థిని నిద్రపోతుండగా పక్క సీటులో ఉన్న ప్రయాణికుడు తనను తాకరాని చోట తాకుతూ లైంగికంగా వేధించాడు. దీంతో నిద్ర లేచిన యువతి లైంగిక వేధింపులపై విమాన సిబ్బందికి ఫిర్యాదు చేసింది. వారి సూచన మేరకు విమానం ల్యాండ్ అయిన తర్వాత శంషాబాద్ విమానాశ్రయ పోలీసులకు ఫిర్యాదు చేసింది. నిందితుడిపై ఐపీసీ 354బి కింద కేసు నమోదు చేసి అదుపులోకి తీసుకున్నారు.