గ్యాంగ్ రేప్ చేస్తామంటూ బీజేపి బెదిరింపులు: కాంగ్రెస్ మహిళా నేత

Posted: 11/05/2018 11:37 AM IST

ఓ వైపు కేంద్ర మాజీ మంత్రి ఎంజే అక్బర్ పై లైంగిక దాడుల అరోపణల నేపథ్యంలో ఆయన తన పదవినే కోల్పగా. తాజాగా ఉత్తర్ ఖండ్ బీజేపి ప్రధాన కార్యదర్శి సంజయ్ కుమార్ పై కూడా ఇలాంటి అరోపణలే వ్యక్తం కావడంతో స్పందించిన బీజేపి పార్టీ అదిష్టానం అతన్ని పదవి నుంచి తప్పించి నష్ట నివారణ చర్యలు తీసుకున్న తరుణంలో.. గోవాలోని ఓ మహిళా కాంగ్రెస్ నేతను గ్యాంగ్ రేప్ చేస్తామంటూ బీజేపీ నేత అనుచరులు బెదిరించారన్న వార్త ఇప్పుడు దేశవ్యాప్తంగా సంచలనంగా మారింది.

ఇప్పటికే ఉత్తరాదిలోని బీజేపి నేతలు మహిళల పట్ల అనుచిత వ్యాఖ్యలు చేసి విమర్శలను ఎదర్కోన్న ఘటనలు వున్నాయి. ఏకంగా మహిళలకు అర్థరాత్రిళ్లు రోడ్డుపైకి రావడానికి ఎం పని అంటూ కూడా వ్యాఖ్యలు చేశారు. ఏకంగా ప్రభుత్వ అధికారుల తనయలకే బీజేపి నేతల కుమారుల నుంచి వేధింపులు ఎదురయ్యాయి. ఈ క్రమంలో తాజాగా కాంగ్రెస్ మహిళా నేతను ప్రచారానికి రావద్దని.. వస్తే గ్యాంగ్ రేప్ చేస్తామని బెదిరించిన వార్త కలకలం రేపుతుంది.

గోవా కాంగ్రెస్ మహిళా నేత దియా షేట్కర్ ఈ మేరకు సంచలన ఆరోపణలు చేశారు. సుభాష్ శిరోద్కర్ అనుచరుల నుంచి తనకు బెదిరింపులు వస్తున్నాయని అమె అరోపించడంతో పాటు ఈ మేరకు అమె పోలీసులకు కూడా ఫిర్యాదు చేశారు. సుభాష్ కు వ్యతిరేకంగా తాను ప్రచారం చేస్తున్నానని, వెంటనే తాను ఆగిపోకుంటే రేప్ చేస్తామని ఆయన అనుచరులు బెదిరింపులకు దిగుతున్నారని గోవా ప్రదేశ్ మహిళా కాంగ్రెస్ రాష్ట్ర కార్యదర్శిగా ఉన్న దియా, ఫిర్యాదు చేసింది.

ఫోన్ చేసిన వ్యక్తి అసభ్య పదజాలంతో.. చెప్పలేని భాషను వాడారని అమె వాపోయారు. కాంగ్రెస్ కు చెందిన సుభాస్ శిరోద్కర్ ఇటీవల తన పదవికి రాజీనామా చేసిన నేపథ్యంలో ఆయన ప్రాతినిధ్యం వహిస్తున్న శిరోడా అసెంబ్లీ నియోజకవర్గానికి ఎన్నికలు రానున్నాయి. ఈ నేపథ్యంలో తనకు ఫోన్ చేసిన అగంతకుడు.. తనను శిరోడా నియోజకవర్గంలోకి అడుగుపెట్టరాదని అదేశించాడాని అమె పోలీసులకు ఇచ్చిన ఫిర్యాదులో పేర్కోన్నారు. తాను నియోజకవర్గంలో అడుగుపెడితే సామూహిక అత్యాచారం చేస్తామని, తమ బెదిరింపులను లెక్కబెట్టకపోతే హత్య చేయడానికి కూడా వెనుకాబోమని బెదిరించారని అమె పిర్యాదులో పేర్కోన్నారు.

ఓ మహిళను ఎదుర్కోలేక, బీజేపి నేత అనుచరులు దిగజారిపోయి.. తనను అత్యాచారం చేస్తామని, హత్య చేస్తామని బెదిరించడమేంటని ఆమె ప్రశించారు. తన ఫిర్యాదును పోలీసులు తీవ్రంగా పరిగణించాలని ఆమె డిమాండ్ చేశారు. దియా ఫిర్యాదుతో గుర్తు తెలియని వ్యక్తులపై కేసు నమోదు చేసిన పోలీసులు, విచారణ ప్రారంభించారు. కాగా, గతంలో కాంగ్రెస్ ఎమ్మెల్యేగా ఉన్న శిరోద్కర్, బీజేపీలో చేరాగానే అతని దిష్టిబోమ్మను కాల్చి రాజకీయంగా పైచేయి సాధించింది కూడా దియా షట్కర్ కు బెదిరింపులు రావడం గోవాలోని శిరోడాలో కలకలం రేపుతుంది.