ఆయన చెప్పడం వల్లే రాహుల్ ఇలా చేశాడా.?

Posted: 07/26/2018 08:08 PM IST

నిండు సభలో ప్రధాన మంత్రిని ఒక ప్రతిపక్ష నేత వచ్చి కౌగిలించుకోవడం పార్లమెంట్ చరిత్రలోనే తొలిసారి కాగా, దీనిపై ఒక్కక్కరు ఒక్కోలా స్పందిస్తున్నారు. రాహుల్ గాంధీవి పిల్లచేష్టలని ప్రత్యర్థులు విమర్శలు చేస్తుంటే.. రాహుల్ తన మదిలో ఎలాంటి విద్వేషం లేదని ఈ ఆలింగనం ద్వారా రుజువు చేశారని మరికొందరు పార్టీల నేతలు వ్యాఖ్యానిస్తున్నారు. అయితే దీనిపై బీజేపి అధికార ప్రతినిధి తేజిందర్ సింగ్ మాత్రం మరో వాదనను తెరపైకి తీసుకువచ్చాడు.

రాహుల్ అలా కౌగించుకోవడం వెనుక ఓ తాంత్రికుడు ఉన్నాడని ఆయన చెప్పడం వల్లే రాహుల్ ఇలా చేశాడని.. రాహుల్ చర్యను టార్గెట్ చేసుకుని వ్యాఖ్యలు చేశాడు. బీజేపి అధికార ప్రతినిధి తజిందర్ పాల్ సింగ్ బగ్గా ఈ విషయాన్ని తన ట్విట్టర్ వేదికగా వెల్లడించారు. ‘నువ్వు ప్రధాని కావాలని అనుకుంటున్నట్లయితే.. సభలో నీ ప్రసంగం అయిపోయిన తరువాత ప్రధాని కుర్చీ వద్దకు వెళ్లి దానిని తాకాలని ఓ తాంత్రికుడు రాహుల్‌ గాంధీకి సూచించాడట. ఈ విషయాన్ని తనకు అత్యంత సన్నిహితుడైన కాంగ్రెస్ పార్టీకి చెందిన ఓ ఎంపీ చెప్పాడని పేర్కొన్నారు. ఆ కుర్చీ కోసమే రాహుల్ మోదీని కౌగిలించుకున్నారని విమర్శించారు.

వర్షాకాల పార్లమెంట్ సమావేశాలు ప్రారంభమైన తొలిరోజే.. కేంద్ర ప్రభుత్వంపై టీడీపీ అవిశ్వాస తీర్మానం ప్రవేశపెట్టిన విషయం తెలిసిందే. ఈ అవిశ్వాసానికి ప్రతిపక్షాలన్నీ మద్దతు తెలపడంతో స్పీకర్ దీనికి ఆమోదం తెలిపారు. అవిశ్వాసంపై చర్చ సందర్భంగా మాట్లాడిన రాహుల్ గాంధీ.. మునుపెన్నడూ లేని రీతిలో కేంద్రంపై నిప్పులు చెరిగారు. ప్రసంగం ముగిశాక... ప్రధాని నరేంద్ర మోదీ వద్దకు వచ్చి ఆలింగనం చేసుకున్నారు. ఈ చర్యతో సభలోని సభ్యులంతా ఒక్కసారిగా నిర్ఘాంతపోయారు. దీంతో నెట్ జనులు మాత్రం తమకు ఇష్టనుసారంగా రెచ్చిపోతే.. నవ్వులు అపుకోలేని విధమైన ట్వీట్లు చేస్తున్నారు. తేజిందర్ పాల్ ను లక్ష్యంగా చేసుకుని ట్రాల్ చేస్తున్నారు.