దొంగనోట్లు ముద్రించిన నటి, అమె సోదరి, తల్లి అరెస్టు

Posted: 07/04/2018 04:44 PM IST

Malayalam actress surya sasikumar arrested in fake currency case

టీవి నటిగా రాష్ట్రంలోని అభిమానుల్లో చెరగని ముద్ర వేసుకుని సెలబ్రిటీగా మారిన ఓ నటి.. తాను వారికి ఆదర్శంగా నిలవాల్సిందిపోయి.. అక్రమ మార్గాలను అందుకుని తాను సంపాదించిన పేరు ప్రఖ్యాతులను ఒక్క ఘటనతో గంగలో కలిపేసింది. రాత్రికి రాత్రే తాను సంపన్నురాలు కావాలని భావించిన నటి.. ఏకంగా తన ఇంట్లోనే నకిలీ నోట్ల ముద్రణను చేపట్టింది. పక్కా సమాచారం అందుకున్న పోలీసులు నటితో పాటు అమె తల్లి రీమా దేవిం, సోదరి శృతిలను కూడా అరెస్టు చేసిన పోలీసులు ముగ్గురునీ కటకటాల వెనక్కి పంపారు

రూ.57 లక్షల దొంగ నోట్లు పట్టుబడిన కేసులో తీగ లాగితే ముద్రించిన కేసులో వీరిని అరెస్టు చేశారు. కొల్లంలోని తమ ఇంటిలో దొంగ నోట్లు ముద్రించిన వీరిని కొచ్చిలో అరెస్టు చేసినట్లు ఇడుక్కి జిల్లా పోలీసు అధికారి కేబీ వేణుగోపాల్‌ చెప్పారు. వారిని జిల్లాలోని కొట్టపనకు తరలించినట్లు పేర్కొన్నారు. ఈ కేసులో ప్రధాన నిందితురాలిగా నటి తల్లిని అనుమానిస్తున్నట్లు చెప్పారు.‘కొల్లంలోని రీమా దేవి ఇంటిపై అంతస్తులో నకిలీ నోట్ల ముద్రణ జరుగుతోంది. దొంగ నోట్లు ముద్రించేందుకు రూ.4.36 లక్షలు ఖర్చు చేశారని తెలిపారు.

ఇక నకిలీ నోట్లు ముద్రణ లాభాల్లో కూడా తమకు సగం వాటా ఇవ్వాలని ఆమె పలువురితో ఒప్పందం కుదుర్చుకుంది. రూ.57 లక్షల విలువైన దొంగ నోట్లను ఆ ఇంట్లో గుర్తించి సీజ్‌‌ చేశాం. ఈకేసుతో సంబంధం ఉన్న మరో ఆరుగురిని త్వరలో పట్టుకుంటామని వేణుగోపాల్‌ తెలిపారు. మూడు రోజుల క్రితం ఇడుక్కిలోని అన్నకరాయిలో రూ.2.25 లక్షల నకిలీ నోట్లను పోలీసులు సీజ్‌ చేశారు. ఈ కేసుకు సంబంధించి ముగ్గురు వ్యక్తుల్ని అరెస్టు చేశారు. వీరు నటి సూర్య శశికుమార్‌, ఆమె సోదరి, తల్లి పేర్లను బయటపెట్టారు.