newspaper targeted in deliberate shooting పత్రికా కార్యాలయంలో అగంతకుల కాల్పులు..

Gunman kills 5 in attack targeting maryland newspaper

Capital Gazette , Maryland, US, Annapolis, Phil Davis, mass shooting, Capital Gazette, Annapolis , Phil Davis, Newsroom shooting

In the shade of a car park in Maryland's capital Annapolis, three journalists from the Capital Gazette typed grimly away -- still without news of colleagues killed or injured when a gunman stormed the publication

ఆ పత్రికా కార్యాలయంలో అగంతకుల కాల్పులు.. ఐదుగురు మృతి

Posted: 06/29/2018 10:35 AM IST
Gunman kills 5 in attack targeting maryland newspaper

అమెరికాలో మరోమారు కాల్పుల కలకలం రేపాయి. అగ్రరాజ్యంలోని మేరీలాండ్‌ రాష్ట్రంలో అన్నాపోలిస్‌ నుంచి ప్రచురితమయ్యే ‘క్యాపిటల్‌ గెజిట్‌’ దినపత్రికా కార్యాలయంలో చోచ్చుకోచ్చిన అగంతకుడు విఛక్షణా రహితంగా కాల్పులకు తెగబడ్డాడు. ఈ కాల్పుల ఘటనలో ఐదుగురు అక్కడికక్కడే మృతిచెందారు. ‘గ్లాస్‌ డోర్‌ నుంచి గన్‌మెన్‌ ఒకరు తుపాకీతో విచక్షణారహితంగా కాల్చాడు. ఒక్కసారిగా అక్కడి వారంతా భీతిల్లారు. భయంతో పలువురు బల్లల కింద దాక్కున్నారు’ అని ఫిల్‌ డేవిస్‌ అనే రిపోర్టర్‌ ట్వీట్‌ చేశాడు.

అన్నాపోలీస్‌లో నాలుగు అంతస్తుల భవనంలో ఈ పత్రికా కార్యాలయం ఉంది. కాల్పుల సంఘటన అనంతరం పోలీసులు ఆ ప్రదేశాన్ని ఖాళీ చేయించి విస్తృతంగా తనిఖీలు చేపట్టారు. నిందితుడిని అదుపులోకి తీసుకున్నారు. కాగా, తాను కాల్పులకు తెగబడతానని అగంతకుడు ముందునుంచి పత్రికావర్గాలను సామాజిక మాధ్యమం ద్వారా హెచ్చరిస్తూనే వున్నాడని కూడా సమాచారం. ఈ కాల్పుల్లో వెండి వింటర్స్, జాన్ మెక్ నమరా, జెరాల్డ్ పిక్చ్ మెన్; రెబఖా స్మిత్, రాబ్ హైయాసెన్ అనే పాత్రికేయులు మరణించారు.

కాల్పుల జరిపిన అగంతకుడిని జర్రోడ్ రామోస్ గా గుర్తించిన పోలీసులు అతడికి ముప్పై ఏళ్లు వుంటాయని చెప్పారు. అయితే రామోస్ కు ఈ దినపత్రికతో సుదీర్ఘ వివాదమే వుందని సమాచారం. గతంలో అతను చేసిన ఓ నేరానికి సంబంధించిన కథనాన్ని ప్రచురించడంతో.. దానిపై అతను కక్ష పెంచుకున్నాడు. ఈ నేపథ్యంలో అతను దినపత్రిక కార్యాలయంపై దాడులు చేస్తానని సోషల్ మీడియా ద్వారా ముందునుంచి హెచ్చరికలు చేస్తున్నా.. పత్రికా కార్యాలయం వర్గాలు మాత్రం వాటిని తేలిగ్గా తీసుకున్నాయి. ఈ ఘటనపై అధ్యక్షుడు ట్రంప్‌కు సమాచారం అందించినట్లు వైట్‌హౌస్‌ వర్గాలు వెల్లడించాయి.

If you enjoyed this Post, Sign up for Newsletter

(And get your daily news straight to your inbox)

Other Articles