న్యూస్ రీడర్ తేజశ్విని అనుమానాస్పద మృతి

Posted: 06/18/2018 03:07 PM IST

కుటుంబ కలహాల కారణంగా ఓ టీవీ యాంకర్ ఆత్మహత్యకు పాల్పడిన ఘటన విజయవాడలో కలకలం రేపుతోంది. కృష్ణాజిల్లా కంకిపాడు మండలం ఈడ్పుగల్లుకు చెందిన తేజస్విని ఓ న్యూస్ ఛానెల్ లో న్యూస్ రీడర్ గా విధులు నిర్వహిస్తుంది. అయితే తన గదిలో ఫ్యానుకు తాడుతో ఉరివేసుకుని అమె మరణించింది. కాగా, తేజస్వీ మరణాన్ని అనుమానస్పద మృతిగా కేసు నమోదు చేసుకున్న పోలీసులు దర్యాప్తును ప్రారంభించారు. అమె మృతదేహాన్ని విజయవాడ ప్రభుత్వాసుపత్రికి తరలించిన పోలీసులు అక్కడ పోస్టుమార్టం నిర్వహించారు.

పోలీసులు తెలిపిన వివరాల ప్రకారం.. తేజశ్వినికి.. బజాబ్ రిలయన్స్ లో పని చేసే పవన్ కుమార్ కు రెండేళ్ల క్రితం వివాహమైంది. వీరిద్దరికి ఓ పాప కూడా వుంది. భర్త పవన్ కుమార్ షిరిడీకి వెళ్లిన రోజు సాయంత్రం తేజశ్వినికీ.. అమె అత్త అన్నపూర్ణమ్మతో ఏదో విషయంలో మాటా మాటా పెరిగింది. దీంతో అవేశంగా తన గదిలోకి వెళ్లిన తేజశ్విని ఎంతకీ భయటకు రాలేదు. తనపై అలిగిందని అత్త కూడా పెద్దగా పట్టించుకోలేదు. అయితే రాత్రి బోజనాల సమయంలో కూడా బయటకు రాకపోవడంతో అందోళన చెందిన అన్నపూర్ణమ్మ తేజశ్విని గదికి వెళ్లింది.

గది గడియపెట్టి వుండటంతో కిటీకీ తెరచి చూసిన అన్నపూర్ణమ్మకు గుండెఅగింది. తన కోడలు ఫ్యాన్ కు ఉరి వేసుకుని ఆత్మహత్యకు పాల్పడిందని తెలుసుకుని గుండెలవిసేలా ఏడ్చింది. స్థానికులు వచ్చి పోలీసులకు సమాచారం అందించడంలో వారు వచ్చి ఫ్యాన్ కు వేలాడుతూ తేజశ్విని మృతదేహాన్ని కిందకు దించారు. కేసు నమోదు చేసిన పోలీసులు దర్యాప్తు ప్రారంభించారు. మృత దేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించారు.