నడిరోడ్డులో యువతిపై మహిళ దాడి.. అక్రమ వ్యవహారమేనా.?

Posted: 06/01/2018 01:37 PM IST

తన భర్తతో వివాహేతర సంబంధం పెట్టుకున్న యువతిని నడిరోడ్డులో బద్దిచెప్పింది భార్య. తనను నిర్లక్ష్యం చేస్తున్న భర్తను అనేక పర్యాయాలు వేడుకున్నా.. ఆయన పద్దతిలో మార్పు కానరాకపోవడంతో భార్య తన భర్తసహా అతని ప్రియురాలని నడిరోడ్డుపై పట్టుకుంది. భర్త ప్రియురాలిపై దాడి చేసింది. తన భర్తతో అక్రమసంబంధం పెట్టుకుంటావా.? అంటూ ఆగ్రహంతో రమాదేవి అనే మహిళ ఊగిపోయింది. స్థానికులు అమెను నిలువరించి ఇద్దరనీ పోలీసులకు అప్పగించారు.

అయితే భర్త మాత్రం తన ప్రియురాలికే మద్దతు పలికాడు. తన భార్య తనను హత్య చేయాలని చూస్తుందని అరోపించాడు. విజయవాడలోని నడిరోడ్డుపై ఈ ఘటన చోటు చేసుకుంది. ఈ ఘటనకు సంబంధించిన పూర్తి వివరాల్లోకి వెళితే.. గుంటూరు జిల్లాకు చెందిన సురేష్ కుమార్ నగరంలోని సన్ రైజ్ ఆసుపత్రిలో మేనేజర్ గా పని చేస్తున్నాడు. అతనికి 9 సంవత్సరాల క్రితం రమాదేవితో వివాహం అయింది. అయితే ఉద్యోగం రిత్యా విజయవాడకు వచ్చి వుంటున్నారు.

ఈ క్రమంలో గత కొంత కాలంగా సురేష్ తనను పట్టించుకోవడం లేదని, అందుకు మరో అమ్మాయితో సంబంధం పెట్టుకోవడమే కారణమని ఆరోపించిన రమాదేవి, ఇదే విషయాన్ని పోలీసులకూ ఫిర్యాదు చేసింది. అయినా భర్త పరిస్థితి మారకపోవడంతో అతన్ని రెడ్ హ్యాండెడ్ గా పట్టుకోవడానికి రంగంలోకి దిగింది. గత రాత్రి సురేష్ కుమార్, సదరు యువతి కలిసుండగా పట్టుకుని దాడి చేసింది. స్థానికులు రమాదేవిని నిలువరించి, ఇద్దరినీ పోలీస్ స్టేషన్ కు తీసుకెళ్లారు. తనకు న్యాయం చేయాలని రమాదేవి కోరుతుండగా, రమాదేవి తనను హత్య చేయాలని చూసిందని, కావాలనే నిందలు వేస్తోందని సురేష్ ఆరోపిస్తున్నాడు.