ఐడియా అపర్.. పెదవి విరిస్తున్న స్మార్ట్ ఫోన్ ప్రియులు..

Posted: 02/20/2018 07:46 PM IST

109 prepaid plan offers 1gb data free calling for 14 days

టెలికం కంపెనీల మధ్య విపరీతమైన కాంపిటీషన్ వచ్చేసింది. రిలయన్స్ జియో వచ్చే వరకు అన్ని టెలికాం సంస్థలు రమారమి ఒకే ధరతో పేదల జేబులను కొల్లగొట్టగా, జియో అగమనంతో టెలికాం సంస్థల మధ్య ధరల పోరు కొనసాగుతోంది. ఇప్పటికే ప్రభుత్వ రంగ సంస్థ బీఎస్ఎన్ఎల్ మాక్సిమ్ పేరుతో అత్యంత చౌకగా ఏడాది వ్యాలిడిటీతో కేవలం రూ.999కే అన్ లిమిటెడ్ వాయిస్ కాల్స్, డేటా సదుపాయాన్ని కల్పించిన విషయం తెలిసిందే. దీంతో రంగంలోకి దిగిన భారతి ఎయిర్ టెల్ నెలవారి వ్యాలిడిటీతో అత్యంత చౌకధరలో మరో పథకాన్ని ప్రవేశపెట్టి జియో కస్టమర్లను కూడా అకర్షించింది. ఇక ఎంట్రీ లెవల్ వ్యాలిడిటీని కూడా రూ.9కే అందిస్తున్నట్లు ప్రకటించింది.

దీంతో ఇక తాము కూడా పోటీ ప్రపంచంలో వున్నమంటూ చౌకధర అపర్ ను ప్రకటించింది ఐడియా. రమారమి ఎయిట్ టెల్ ప్లాన్ 28 రోజుల ప్లాన్ ధరలోనే ఈ ఆపర్ వున్నా.. దీని వ్యాలిడిటీ మాత్రం కేవలం 14 రోజులకే పరమితం చేసింది. అంటే 14 రోజుల వ్యాలిడిటీ వున్న రూ.109 ప్లాన్ ను తీసుకువచ్చింది, ఈ పథకాన్ని ప్రకారం.. అపరిమిత లోకల్, ఎస్టీడీ, రోమింగ్ కాల్స్ తో పాటు 14 రోజుల పాటు రోజూ 1జీబీ 4జీ/3జీ డేటాను, 100 ఎస్ఎంఎస్ లను పొందొచ్చు. ఇక రోజుకు 250 నిమిషాలు మాత్రమే ఉచితమని ఈ పరిమితి దాటితే ప్రతీ సెకనుకు ఒక పైసా చార్జీ పడుతుందని తెలిపింది.

ఎంపిక చేసిన సర్కిళ్లలో యూజర్లు ఐడియా వెబ్ సైట్, మై ఐడియా యాప్ ద్వారా రీచార్జ్ చేసుకుని ఈ ప్రయోజనాలు పొందొచ్చు. ఎయిర్ టెల్ ఇటీవలే రూ.93 ప్లాన్ ను ప్రకటించింది. ఇందులో 28 రోజుల వరకు అపరిమిత కాలింగ్ తోపాటు 1జీబీ డేటా సదుపాయం ఉంది. ఇదే ధరకు జియో 2జీబీ డేటా, అన్ లిమిటెడ్ కాలింగ్ అవకాశం కల్పిస్తోంది. ఈ దృష్ట్యా పోటీ కంపెనీలతో పోలిస్తే ఐడియా ప్లాన్ ఏ మాత్రం ఆకర్షణీయంగా కనిపించడం లేదని పలువురు స్మార్ట్ ఫోన్ ప్రియులు తమ అభిప్రాయాలను వెల్లడిస్తున్నారు.