కాంగ్రెస్ కురు వృద్ధుడు బసవపున్నయ్య కన్నుమూత

Posted: 11/08/2017 09:01 AM IST

కాంగ్రెస్ పార్టీ సీనియర్ నేత సింగం బసవపున్నయ్య(91) ఇక లేరు. స్వాతంత్ర్య సమరయోధుడు అయిన ఆయన మంగళవారం రాత్రి కన్నుమూశారు. గత కొంతకాలంగా అనారోగ్యంతో బాధపడుతున్న ఆయన, ఆసుపత్రిలో చికిత్స పొందుతూ పరిస్థితి విషమించి మరణించినట్టు కుటుంబ సభ్యులు తెలిపారు.

కృష్ణా జిల్లా మోడుముడి గ్రామంలో జన్మించిన ఆయన చదవులు పూర్తయ్యాక న్యాయవాద వృత్తిని చేపట్టారు. ఆపై రాజకీయాలపై ఆసక్తితో తెనాలి పార్లమెంటు నియోజకవర్గానికి 1989లో కాంగ్రెస తరపున పోటీ చేశారు. టీడీపీ అభ్యర్థి ఉమ్మారెడ్డి వెంకటేశ్వర్లుపై విజయం సాధించి 9వ లోక్ సభలో ఎంపీగా విధులు నిర్వర్తించారు. అయితే పార్లమెంట్ ఎన్నికల్లో టీడీపీ అభ్యర్థి, సినీ నటి శారదపై ఆయన ఓడిపోయారు.తర్వాత కాంగ్రెస్ లో పలు పదవులను ఆయన చేపట్టారు.

వయసు పెరిగిన కారణంగా చాలా కాలంగా ఆయన క్రియాశీల రాజకీయాలకు దూరంగా ఉన్నారు. సింగం బసవపున్నయ్య మృతిపట్ల పలువురు రాజకీయ ప్రముఖులు సంతాపం తెలిపారు.