ITEMVIDEOS: దూసుకొచ్చిన ఎద్దు.. హేమమాలినికి తప్పిన ముప్పు..

Posted: 11/02/2017 02:11 PM IST

పార్లమెంట్ సభ్యురాలు హేమమాలిని అకస్మిక తనిఖీలో ఓ అనూహ్య అతిథి వచ్చారు. ఏకంగా ఎంపీతోనే తన అవేదన చెప్పుకోవాలని భావించిందో ఏమే.. ఎంపీ వచ్చాశారని అధికారులు వారిస్తున్నా.. పోలీసులు అడ్డుకున్నా వినకుండా ఏకంగా ఎంపీ వద్దకు చేరుకునే వరకు ఆ ప్రయత్నాన్ని అపలేదు. అయితే చివరాఖరున అధికారులు, పోలీసులు ఎంపీకి అడ్డుగా నిలవడంతో పాటు ఈ అతిధిని తరేమేడంతో చేసేది లేక అక్కడి నుంచి వెళ్లిపోయింది.

మరోలా చెప్పాలంటే బీజేపి ఎంపీ హేమమాలినికి సమీపంలో ఎద్దు దూసుకురావడంతో అమెకు ముప్పు తప్పింది. ఉత్తర్ ప్రదేశ్ లోని మధుర రైల్వే స్టేషన్ లో ఈ ఘటన చోటుచేసుకుంది. ఇవాల అమె తన పార్లమెంటు నియోజకవర్గంలోని మధురలో ఆకస్మిక తనిఖీలు చేపట్టారు. ఆమె స్టేషన్ లో నడిచి వస్తుండగా, ఓ ఎద్దు అదుపు తప్పి స్టేషన్ లోకి దూసుకు వచ్చింది. దాన్ని అదుపు చేయాలని కొంతమంది ప్రయత్నించడంతో, బెదిరిపోయి పరుగులు తీసింది.

ఆ సమయంలో భద్రతా సిబ్బంది అప్రమత్తంగా వ్యవహరించి, ఆమె చుట్టూ నిలబడి, ఆమెను పక్కకు తప్పించారు. ఎద్దుకూడా పక్కనుంచి వెళ్లిపోవడం, ప్రమాదం తప్పడంతో అందరూ ఊపిరి పీల్చుకున్నారు. ఆపై రైల్వే స్టేషన్ లో పశువులు తిరగడంపై హేమమాలిని మండిపడ్డారు. ఈ పరిస్థితి ఎందుకు వచ్చిందని అధికారులను నిలదీశారు. నిర్లక్ష్యంగా వ్యవహరిస్తే ఊరుకోబోనని హెచ్చరించారు. ప్రజలకు సైతం సౌకర్యాలు లభించడం లేదని క్లాస్ తీసుకున్నారు. ఎద్దు దూసుకొచ్చిన వీడియోను మీరూ చూసేయ్యండీ..