కానిస్టేబుల్ చెండాలం... రిప్లై లేదేంటి?

Posted: 06/13/2017 11:41 AM IST

తెలంగాణ రాష్ట్రంలో ఫ్రెండ్లీ పోలీసింగ్ అనే మాట వరుసకు మాత్రమే వినిపిస్తుండగా.. కొందరు చేసే వ్యవహారాలు మాత్రం మరోలా ఉంటాయి. ఫుట్ పాత్ మీద చిరు వ్యాపారస్థులపై దాడులు, లంచం తీసుకుని వాహనదారులను వదిలేయటం... మంత్రులు, పై అధికారుల స్థాయికి వెళ్తున్నప్పటికీ ధోరణి మాత్రం మారటం లేదు. ఇక ఇప్పుడు మహిళల భద్రత పైనే సందేహాలు వ్యక్తం చేస్తూ ఓ మహిళ చేసిన పోస్ట్ తీవ్ర చర్చకు దారితీసింది.

వర్ష భార్గవి అనే ఓ మహిళ చేసిన పోస్ట్ తెగ వైరల్ అవుతోంది. అపురూప టౌన్ షిప్ లో గత నెల 30న ఓ వృద్ధుడు నిద్రపోతున్న వేళ, సహాయకుడు ఇంట్లో దొంగతనం చేసి పారిపోయాడు. చుట్టుపక్కల వారు కుమార్తెకు విషయం తెలియజేశారు. ఫిర్యాదు చేసేందుకు జీడిమెట్ల పోలీస్ స్టేషన్ కు ఆమె 6వ తేదీన వెళ్లగా, ఘటనా స్థలిని చూడాలని పోలీసులు కోరారు. దీంతో అపురూప కాలనీలోని తన ఇంటికి సదరు యువతి ఇద్దరు కానిస్టేబుళ్లను తీసుకు వెళ్లింది.

ఓ కానిస్టేబుల్ వివరాలు రాసుకుంటుంటే, మరో కానిస్టేబుల్ ఆమెను తేడాగా చూడటం ప్రారంభించాడు. దాదాపు 15 నిమిషాల పాటు అతను అదే పనిలో ఉన్నాడు. ఈ విషయాన్ని అదే రోజున బాధితురాలు తెలంగాణ పోలీస్ ట్విట్టర్ ఖాతాలో పోస్టు చేశారు. "జీడిమెట్ల పోలీస్ స్టేషన్ కు చెందిన ఆ కానిస్టేబుల్ తన దృష్టిని నా ఎడమ వక్షోజంపైనే తదేక దృష్టితో చూశాడు. నేను ఫిర్యాదు చేస్తుంటే, ఈ పనేంటి?" అని ట్వీట్ లో ప్రశ్నించింది.

ఈ ట్వీట్ ను చూసిన బాధితురాలి స్నేహితుడు ఒకరు, డిజీపీ ట్విట్టర్ ఖాతాకు రీ ట్వీట్ చేశాడు. దీన్ని చూసిన డీజీపీ సైబరాబాద్ పోలీసులకు ఫార్వార్డ్ చేయగా, ఈ విషయమై ఇప్పటి వరకూ ఎటువంటి చర్యలూ తీసుకోలేదని సమాచారం. పైగా బాధితురాలు ఓ సోషల్ వర్కర్ కావటంతో ఎలా రియాక్ట్ అవుతారోనని అంతా వేచి చూస్తున్నారు.

 

@TelanganaPolice why was the police constable in Jeedimetla PS kept his gaze fixed on my left breast while I was reporting theft?

— Varsha (@VarshaBhargavi) June 6, 2017