తమిళనాడులో మరో నిర్భయ ఘటన.. మైనర్ బాలికపై గ్యాంగ్ రేప్

Posted: 06/07/2017 04:08 PM IST

Nirbhaya repeat minor gang raped in bus by two drivers and conductor

దేశంలోనే సంచలనం రేపిన ‘నిర్భయ’ ఘటన తాజాగా తమిళనాడులో నూ పునరావృతమైంది. పదిహేనేళ్ల చిన్నారిపై ముగ్గురు కామాంధులు కదులుతున్న బస్సులో సామూహిక అత్యాచారానికి ఒడిగట్టారు. తల్లిదండ్రులతో పోట్లాడి ఇంట్లోంచి వచ్చేసిన చిన్నారిని.. పైశాచిక మృగాలు చిదిమేశాయి. సభ్యసమాజం తలదించుకునే ఈ ఘటన తమిళనాడులోని సేలం జిల్లాలో చోటుచేసుకుంది. వివరాల్లోకి వెళ్తే.. ఏదో విషయమై తల్లిదండ్రులు మందలించారని వారితో గొడవపెట్టుకుని ఇల్లు వదిలి వచ్చేసింది వలసయ్యూరులోని ఓ ప్రైవేట్‌ స్కూల్‌లో పదో తరగతి చదువుతున్న కిచ్చిపాళయం కు చెందిన మైనర్ బాలిక.

ఎక్కడికి వెళ్లాలో తెలియక సేలం పాత బస్టాండ్‌కు చేరకున్న బాలిక.. సేలం నుంచి శివార్లలోని కరుప్పూరు ఇంజనీరింగ్‌ కళాశాల మద్య మార్గాలకు నడిచే ప్రైవేట్‌ బస్సు కనిపించడంతో అందులో ఎక్కి టికెట్‌ తీసుకుని కూర్చుంది. కరుప్పూరు ఇంజనీరింగ్‌ కాలేజీ సమీపంలో ప్రయాణికులంతా దిగిపోగా బాలిక మాత్రం ఒంటరిగా మిగిలింది. ఈ విషయాన్ని గమనించిన బస్సు డ్రైవర్ మణివణ్ణన్‌ (33) బస్సు నడుపుతూ బాలికతో మాటలు కలిపాడు. అంతలో రెండో డ్రైవర్ మురుగన్‌ (35) కూడా అమెను మాట్లలో పెట్టాడు. దీంతో బస్సును కరుప్పూరుకు తీసుకెళ్లకుండా నారాయణపాళయం గ్రామం వైపు బస్సును మళ్లించారు.

విషయాన్ని గమనించిన బాలిక కంగారుపడి బాలిక కేకలు వేయగా ఆమె నోట్లో రెండో డ్రైవర్ మురుగన్, కండక్టర్ పెరుమాళ్‌ గుడ్డలు కుక్కి అత్యాచారానికి పాల్పడ్డారు. ఆ తరువాత మురుగన్‌ బస్సు నడుపుతుండగా మణివణ్ణన్‌ కూడా వచ్చి మైనర్ బాలికపై లైంగికదాడికి పాల్పడ్డాడు. బస్సును సుమారు గంటకు పైగా వివిధ ప్రాంతాల్లో తిప్పుతూ బాలికపై ముగ్గురు వంతుల వేసుకుని మరీ ఒకరి తర్వాత ఒకరు అత్యాచారానికి పాల్పడ్డారు. బాలిక రోదనలు విన్న స్థానికులు కొందరు అర్థరాత్రి బస్సును అడ్డగించి నిలిపివేసి చూడగా, తమ అనుమానం నిజం కావడంతో ముగ్గురి దుర్మార్గులకు దేహశుద్ది చేసి పోలీసులకు అప్పగించారు.