యాదాద్రి ప్రేమజంట కేసులో వారీకీ ప్రమేయముందా..?

Posted: 05/28/2017 10:58 AM IST

తెలుగు రాష్ట్రాలలో సంచలనం రేపిన యాదాద్రి ప్రేమ జంట కేసులో, ప్రియుడు అంబోజు నరేశ్‌, స్వాతి చావుకు భువనగిరి పోలీసుల పాత్ర కూడా వుందా..? అంటే అవుననే అంటున్నారు నరేశ్ తరపు బంధువులు ఆరోపించారు. తాము మొదట్నించి అనుమానిస్తున్నట్లుగానే పోలీసుల నిర్లక్ష్య వైఖరి వల్లే నరేశ్ హత్యచేయబడ్డాడని అరోపిస్తున్నారు. ఈ కేసులో పోలీసుల వైఫల్యం కొట్టొచ్చినట్టు కనబడుతోందని అన్నారు. నరేశ్ అదృశ్యంపై ఫిర్యాదుపై చాలా రోజుల వరకు పోలీసులు స్పందించలేదని అతడి కుటుంబ సభ్యులు వాపోయారు. భువనగిరి డీసీపీ యాదగిరి ప్రేక్షకపాత్రకే పరిమితమయ్యారని ఆరోపించారు.

మేజర్ల పెళ్లి వియషంలో పోలీసులు ఎందుకు జోక్యం చేసుకున్నారని ప్రశ్నించారు. పెళ్లైన వారానికే ఎందుకు స్వాతి-నరేశ్ ను ముంబై నుంచి ఎందుకు రప్పించారని నిలదీశారు. మళ్లీ రెండోసారి వీరిని ఆత్మకూరు రప్పించడంలో పోలీసుల పాత్రపై అనుమానం వ్యక్తం చేశారు. ఆత్మకూరు, రామన్నపేట, భువనగిరి పోలీసుల తీరుపై నరేశ్ బంధువులు మండిపడ్డారు. భువనగిరి పోలీసులపై చర్యల్లేవా, ఈ దారుణానికి భువనగిరి పోలీసులు బాధ్యులు కారా అని ప్రశ్నిస్తున్నారు. కాగా, పోలీసుల వ్యవహారశైలిపై వారు మానవ హక్కుల సంఘాన్ని ఆశ్రయించారు.