బిహార్ కోర్టు సంచలన తీర్పు.. ఐదుగురు మావోలకు ఉరి

Posted: 05/25/2017 02:58 PM IST

Five maoists sentenced to death by munger court in bihar

బీహార్ లోని మంగర్ న్యాయస్థానం సంచలన తీర్పును వెలువరించింది. ఇద్దరు సీఆర్పీఎఫ్ జవాన్ల మృతికి కారణమైన మావోయిస్టులకు న్యాయస్థానం ఉరి శిక్షను విధిస్తూ తీర్పును వెలువరించింది. దేశసార్వత్రిక ఎన్నికల సందర్భంగా 2014లో ఇద్దరు సీఆర్పీఎఫ్ జవాన్లపై మెరుపుదాడికి పాల్పడి ఇద్దరు జవాన్ల మృతికి కారణమైన ఐదుగురు మావోయిస్టులకు ఉరిశిక్ష విధించింది. గత మూడేళ్ల విచారణ తరువాత ఈ కేసులో ఇవాళ తుది తీర్పును బిహార్‌లోని ముంగేర్‌ కోర్టు ఇవాళ వెలవరించింది.

వివరాల్లోకి వెళ్తే.. బిహార్‌లో 2014లో జరిగిన లోక్‌సభ ఎన్నికల్లో విధులు నిర్వహించేందుకు వెళ్తున్న భద్రతా సిబ్బందిపై మావోయిస్టులు మెరుపు దాడి చేశారు. ఖరగ్‌పూర్‌ పోలీస్‌స్టేషన్‌ పరిధిలోని గంగ్టా-లక్ష్మీపూర్‌ రోడ్డుపై మాటువేసిన మావోలు.. సీఆర్పీఎఫ్‌ జవాన్ల వాహనంపై కాల్పులు జరిపారు. ఈ ఘటనలో సుమారు 50 మంది మావోయిస్టులు పాల్గోనగా, వారిలోలో ఐదుగురిని పోలీసులు ఆ తరువాత అదుపులోకి తీసుకుని అరెస్టు చేశారు. ఈ ఘటనలో ఇద్దరు జవాన్లు సోమ్ గాడ్వా, రవింద్ర రాయ్ లు ప్రాణాలు కోల్పోగా, మరో పది మందికి గాయాలయ్యాయి.

ఈ కేసులో ముంగేర్‌ అడిషనల్‌ సెషన్స్‌ కోర్డు విచారణ చేపట్టి.. ఇవాళ తీర్పును వెల్లడించింది.అడిషనల్ సెషన్స్ న్యాయమూర్తి జస్టిస్ జ్యోతి స్వరూప్ శ్రీనివాత్సవ తీర్పును వెల్లడిస్తూ.. ఐదుగురు మావోయిస్టులు విపిన్‌ మండల్‌, అదిక్‌లాల్‌ పండిత్‌, రాటుకోడా, వానో కోడా, మనులను దోషులుగా తేల్చి వారికి ఉరిశిక్ష విధించింది. దీంతోపాటు రూ.25వేల చొప్పున జరిమానా విధిస్తూ తీర్పు వెలువరిచింది.