ఉత్తరప్రదేశ్ లో ఓ ఎమ్మెల్యే గట్టిగా గద్ధించిన వేళ, కన్నీరు పెట్టుకున్న ఐపీఎస్ అధికారిణి చారూ నిగమ్, తన ట్విట్టర్ ఖాతా ద్వారా గట్టిగా స్పందించింది. బీజేపీ ఎంఎల్ఏ రాధా మోహన్ అగర్వాల్ తనతో వాగ్వాదానికి దిగటంతో కన్నీరు మున్నీరుగా విలపించింది. ఆ వీడియో నెట్ లో వైరల్ కావటంతో రాధా మోహన్ పై దుమ్మెత్తిపోయటం, చారూపై సానుభూతి చూపటం ప్రారంభమైంది.
అయితే తన కంట్లో నీరు వచ్చినంత మాత్రాన తాను బలహీనురాలిని కాదని, తాను తీసుకున్న శిక్షణ బలహీనతను నేర్పించలేదని అంటోంది చారూ నిగమ్. ఈ మేరకు తన ఫేస్ బుక్ లో ఓ పోస్ట్ ఉంచింది. ఎస్పీ గణేష్ సాహా అక్కడికి వచ్చిన తరువాత, అంతకుముందు జరిగిన ఘటనపై మనస్తాపం చెందానని, అందువల్లే కన్నీరు పెల్లుబికిందని అన్నారు. మహిళలు నిరసన తెలుపుతున్న సమయంలో అక్కడున్న సీనియర్ అధికారిని తానే కాబట్టి నిరసనకారులను పక్కకు లాగాలని నిర్ణయించానని, కానీ ఎమ్మెల్యే చేసిన వ్యాఖ్యలను చిత్రీకరించి, ప్రజలకు వాస్తవాలను తెలియజేసిన మీడియాకు కృతజ్ఞతలని పేర్కొంది.
ఉత్తరప్రదేశ్ సీఎం యోగి ఆదిత్యనాథ్ సొంత నియోజకవర్గం గోరఖ్ పూర్ లో జరిగింది. మరిన్ని వివరాల్లోకి వెళితే, ఈ ప్రాంతంలో అక్రమ మద్యం అధికంగా ఉందని, దాన్ని నివారించాలని డిమాండ్ చేస్తూ, మహిళలు రాస్తారోకోకు దిగిన వేళ, పరిస్థితి విషమించడంతో మహిళా పోలీసులు రంగంలోకి దిగాల్సి వచ్చింది. నిరసన చేస్తున్న మహిళల్లో కొందరు పోలీసులపైకి రాళ్లు రువ్వడంతో, లాఠీచార్జ్ చేయగా కొంతమంది మహిళలకు గాయాలు అయ్యాయి.
విషయం తెలుసుకున్న గోరఖ్ పూర్ ఎమ్మెల్యే, సీనియర్ నేత డాక్టర్ రాధామోహన్ దాస్ అగర్వాల్ అక్కడికి చేరుకున్నారు. అక్కడే విధుల్లో ఉన్న 2013 బ్యాచ్ ఐపీఎస్ అధికారిణి, గోరఖ్ పూర్ లో శిక్షణలో ఉన్న చారూ నిగమ్ అనే పోలీసు అధికారిణి ఆయనకు టార్గెట్ అయింది. ఆమెతో వాగ్వాదానికి దిగిన రాధామోహన్ దాస్, నువ్వు హద్దులు దాటొద్దంటూ తీవ్ర హెచ్చరికలు చేశారు. వీడియోల్లో కనిపిస్తున్న దృశ్యాల ప్రకారం, "నేను నీతో మాట్లాడటం లేదు. నాకేమీ చెప్పొద్దు. నోర్ముయ్. హద్దులు దాటొద్దు" అంటూ పదేపదే అరిచారు. తానిక్కడ ఇన్ చార్జ్ అధికారినని, తానేం చేస్తున్నానో తనకు తెలుసునని చారూ నిగమ్ చెబుతున్నా ఆయన వినలేదు. ఎమ్మెల్యే కేకలకు చారూ నిగమ్ కళ్ల వెంబడి నీళ్లు వచ్చాయి. ఓ హ్యాండ్ కర్చీఫ్ తో ఆమె కళ్లు తుడుచుకుంటూ వెళ్లాల్సి వచ్చింది.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more