బూతులు తిడుతూ ఇండియాకు పొమ్మంది

Posted: 04/20/2017 09:20 AM IST

జాతి వివక్షత చాప కింద నీరులా మెల్లిగా ఒక్కో దేశం పాకుతూ వస్తోంది. నార్త్ అట్లాంటిక్ లోని ఓ ద్వీపం అయిన ఐర్లాండ్ లో ఆదివారం ఇది చోటుచేసుకుంది. ఓ రైలులో మహిళ భారతీయ ప్యాసింజర్ ను ఉద్దేశించి ఈ వ్యాఖ్యలు చేసింది.

లిమెరిక్ కోల్బర్ట్ నుంచి లిమెరిక్ జంక్షన్ మధ్య వెళ్తున్న రైలులో ఘటన జరిగింది. తన పక్కనే ఖాళీగా ఉన్న సీటులో బ్యాగ్ పెట్టిన ఓ ఇండియన్ ప్యాసింజర్ ను ఉద్దేశించి ఓ విదేశీ వృద్ధురాలు అభ్యంతరం వ్యక్తం చేస్తూ పరుష పదజాలం వాడింది. బూతులు తిడుతూ ఇండియాకు వెళ్లిపోమ్మంటూ వ్యాఖ్యలు చేసింది. దీనిని అక్కడే ఉన్న మరో మహిళ వీడియో తీసింది.

@IrishRail "f3ck off and go back to India" angry #irishrail rant part 2 pic.twitter.com/HqYKLtTYMi

— TheBex™ (@TheBexWay) April 16, 2017

 

తోటి ప్యాసింజర్ లు ఆమెను అడ్డుకోకపోవటం విశేషం. కాగా, ఓ మహిళ దీనికి సంబంధించిన వీడియోలను ట్వీట్ చేయగా, అవి అలా అలా షేర్ అవుతూ వస్తున్నాయి. ఘటనపై కేసు నమోదు చేసుకుని విచారణ జరుపుతున్నట్లు ఐరిష్ పోలీసులు వెల్లడించారు. అమెరికా అధ్యక్షుడు సొంత దేశం ప్రాధాన్యత మొదలైన తర్వాత క్రమక్రమంగా ఇతర దేశాల్లో జాతి వివక్ష బయటపడుతుండటం విశేషం.