స్పైస్ జెట్ కూల్ ఆఫర్.. వేసవిలోనూ డిస్కౌంట్ ఆఫర్

Posted: 04/08/2017 01:36 PM IST

వేసవిలో ఇంధన ఖర్చులు అధికంగా వినయోగం కానున్న నేపథ్యంలో కస్టమర్ల టిక్కెట్ ధరలపై విమనయాన సంస్థలు అదే స్థాయిలో ప్రతాపాన్ని చూపాల్సి వుండగా, ఈ సారి మాత్రం అందుకు భిన్నంగా వ్యవహరిస్తున్నాయి. ఇందుకు పెరిగిన విమనాలు, పౌరయానం, విమాన సంస్థల సేవలు కారణం కాగా, అది కూడా విమానయాన ప్రయాణికులకు బాగానే కలసివచ్చింది. ఇక సమ్మర్ లోనూ విమానయాన సంస్థల మధ్య చౌకధర యుద్దం మొదలైంది.

దీంతో ఇప్పటికే ఇండిగో సంస్థ దేశవాళీ రూట్లలో విమాన టికెట్ల ధరలపై రాయితిని ప్రకటించగా, ఇప్పుడు తాజాగా జెట్ ఎయిర్ వేస్ సైతం అదే దారిలో నడిచింది. 'సమ్మర్ కూల్ ఆఫర్' పేరిట ఎకానమీ క్లాస్ టికెట్లను రూ. 1,294 కే అందించనున్నట్టు తెలిపింది. 9వ తేదీలోగా బుక్ చేసుకునే టికెట్లపై, కనీసం 20 రోజుల తరువాత ప్రయాణానికి తేదీని నిర్ణయించుకోవాల్సి వుంటుందని తెలిపింది. ఈ ప్రత్యేక ఆఫర్ లో భాగంగా ఎకానమీ టికెట్లను ప్రీమియం టికెట్లుగా కూడా అప్ గ్రేడ్ చేసే అవకాశం ఉందని తెలిపింది. ఇదిలావుండగా ఢిల్లీ నుంచి జైపూర్ కు కేవలం రూ.1200లకే ప్రయాణించే అవకాశాన్ని కల్పిస్తుంది.