పిచ్చి ప్రేమికుడు ఎంతటి ఘోరానికి పాల్పడ్డాడు!

Posted: 03/20/2017 09:33 AM IST

మంత్రాలకు చింతకాయలు చచ్చినా రాలవు. కానీ, ఇక్కడో వ్యక్తి పిచ్చి ప్రేమ మాత్రం అలాంట వాటిని బలంగా నమ్మేలా చేసింది. అందుకే ప్రేమించిన యువతిని వశీకరణ చేసుకోవడానికి క్షద్ర పూజలకు దిగాడు. అది అంతటితో ఆగలేదు సరికదా మంత్రగాడు చెప్పడన్న ఒకే ఒక్క కారణంతో ఘోరానికి పాల్పడ్డాడు.

వివరాళ్లోకి వెళ్లితే... ఒడిషాకు చెందిన బిజుకుమార్ అనే వ్యక్తి అదే గ్రామంలో ఓ యువతిని చాలా కాలం నుంచి ప్రేమిస్తున్నాడు. జులాయి కావటంతో ఆ యువతి అతని ప్రేమను తిరస్కరించింది. లవ్ ఫెయిల్యూర్ కావటంతో తాగి రోడ్ల మీద చిత్తుగా తిరిగాడు. కొడుకు దుస్థితిని తట్టుకోలేక అతని పేరెంట్స్ చివరకు బెంగళూర్ లోని బంధువుల దగ్గరికి పంపించేశారు. అక్కడ కొందరు యువకులతో పరిచయం పెంచుకున్న బిజ్జూ తన స్టోరీ మొత్తం చెప్పుకొచ్చాడు.

వారంతా అతన్ని ఓ క్షుద్ర పూజారీ దగ్గరికి తీసుకెళ్లగా కొన్ని పూజలు, ఆపై నాలుక, మర్మంగాన్ని అమ్మవారికి సమర్పిస్తే కోరిక నెరవేరుతుందని చెప్పాడు. దీంతో యవకుడు అన్నంత పని చేసేశాడు. అయితే తర్వాత అంతా ఉత్తదేనని అర్థం చేసుకున్న యువకుడు తనను మంకీ క్యాప్ లు ధరించిన నలుగురు కిడ్నాప్ చేశారని, వారే ఈ ఘాతుకానికి పాల్పడ్డారంటూ కలరింగ్ ఇచ్చాడు. అతని మావయ్య ఇచ్చిన ఫిర్యాదు మేరకు ఇమ్మడిహలీ ప్రాంతంలో విచారణ చేసిన పోలీసులకు ఎలాంటి ఆధారాలు చిక్కలేదు.

బిజ్జూ ప్రవర్తనపై అనుమానంతో గట్టిగా ప్రశ్నించగా అసలు విషయం పూసగుచ్చినట్లు చెప్పుకొచ్చాడు. దీంతో తొలుత కిడ్నాప్, దాడి గా కేసు నమోదు చేసుకున్న పోలీసులు మంత్రగాడిని, బిజ్జూను ఉసిగొల్పిన వారిని అరెస్ట్ చేశారు.