అమ్మకు ప్రధాని నరేంద్రమోడీ ఘననివాళులు..

Posted: 12/06/2016 03:19 PM IST

Pm modi pays tributes to jayalalithaa at rajaji hall in chennai

తమిళనాడు దివంగత ముఖ్యమంత్రి జయలలిత మృతి పట్ల ప్రధాని నరేంద్ర మోదీ ఘన నివాళులు అర్పించారు. ఇవాళ ఉదయం ఢిల్లీ నుంచి చెన్నైకి చేరుకున్న ఆయన రాజాజీ హాలుతో ప్రజల సందర్శనార్థం వుంచి జయలలిత పార్థివదేహాంపై పుష్పా గుచ్చాన్ని వుంచి ఘనంగా నివాళులు అర్పించారు. జయలలిత పార్థివదేహం వద్ద ప్రధాని మోదీ పుష్పగుచ్చం ఉంచి శ్రద్దాంజలి ఘటించారు. జయలలిత స్నేహితురాలు శశికళను మోదీ పరామర్శించారు. ఈ సందర్భంగా శశికళ, తమిళనాడు ముఖ‍్యమంత్రి పన్నీరు సెల్వం కన్నీటి పర్యంతమయ్యారు. మోదీ.. వీరిద్దరినీ ఓదార్చారు. పన్నీరు సెల్వం భుజం తట్టి క్లిష్ట సమయంలో ధైర్యంగా ఉండాల్సిందిగా చెప్పారు.

జయలలితను చివరిసారి చూసేందుకు వచ్చిన ప్రముఖులకు, ప్రజలకు మోదీ అభివాదం చేశారు. మోదీ వెంట తమిళనాడు గవర్నర్‌ విద్యాసాగర్‌ రావు వచ్చారు. అక్కడే ఉన్న కేంద్ర మంత్రి వెంకయ్య నాయుడితో మోదీ కాసేపు మాట్లాడారు. మెరీనా బీచ్‌లో సాయంత్రం గురువు ఎంజీఆర్ సమాధి పక్కన జయ అంత్యక్రియలు నిర్వహించనున్నారు. ప్రధాని మోదీతో పాటు ఎఐసీసీ ఉపాధ్యక్షుడు రాహుల్‌ గాంధీ, కేంద్ర మంత్రులు, పలు రాష్ట్రాల ముఖ్యమంత్రులు, రాజకీయ, సినీ ప్రముఖులు.. జయలలిత అంత్యక్రియల్లో పాల్గొంటారు.

కాగా జయలలిత అనారోగ్యం వార్తలు తెలినప్పటి నుంచి ప్రధాని మోడీ, అమె కోలుకుంటారన్న ఆశతో ఢిల్లీ ఎయిమ్స్ నుంచి ప్రముఖ డాక్టర్లను చెన్నైలోని అపోలో అస్పత్రికి పంపించారు. అయితే ఎయిమ్స్ వైద్యులతో పాటు విదేశీ వైద్యుడు కూడా శ్రమించినా.. అమ్మ తిరిగిరాని లోకాలు వెళ్లిన విషయం తెలిసిందే. కాగా ప్రధాని నరేంద్రమోడీ.. గుజరాత్ ముఖ్యమంత్రిగా వున్నప్పటి నుంచి అయనకు జయలలితకు మధ్య చక్కని స్నేహం వుంది. ఆ స్నేహంలో భాగంగానే అమె 2011లో ముఖ్యమంత్రిగా పదవీ బాధ్యతలు చేపట్టిన సందర్భంగా నరేంద్రమోడీ హజరైన విషక్ష్ం కూడా తెలిసిందే.